Skessuhorn - 19.12.2018, Blaðsíða 45

MIÐVIKUDAGUR 19. DESEMBER 2018 45
ið. Þeim fataðist flugið þegar leið á mót og enduðu að lokum í
5. sæti með 38 stig, en aðeins sjö stigum frá toppliði Aftureld-
ingar. Er það til vitnis um hve jöfn deildin var.
UMFG sigraði 3. deildina í blaki
Ungmennafélag Grundarfjarðar tryggði sér Íslandsmeist-
aratitilinn í þriðju deild kvenna í blaki í vor. Úrslitakeppnin
fór fram í Neskaupsstað og mættu Grundarfjarðarkonur vel
stemmdar til leiks. Þær sigruðu alla fimm leiki sína 2-0 og
tóku bikarinn með sér heim.
Sundfólk gerði góða hluti
Sundgarpar úr Sundfélagi Akraness gerðu góða hluti á árinu
sem er að líða. Fremst meðal jafningja var Brynhildur Trausta-
dóttir, sem varð Íslandsmeisatrí í 1500 m skriðsundi og keppti
á Norðurlandamótinu fyrir Íslands hönd. Þá má geta þess að
Inga Elín Cryer frá Akranesi, sem keppir fyrir hönd Ármanns,
varð Íslandsmeistari í 50 metra laug í 100 m og 200 m flug-
sundi og 200 m skriðsundi.
Met og meistarar í kraftlyftingum
Svavar Örn Sigurðsson úr Kraftlyftingafélagi Akraness varð
Norðurlandameistari unglinga í klassískum kraftlyftingum
með samanlagðan árangur upp á 572,5 kg. Svavar varð sömu-
leiðis bikarmeistari í klassískum kraftlyftingum á árinu, eins
og Alexandrea Rán Guðnýjardóttir. Borgfirðingurinn Einar
Örn Guðnason, sem keppir undir merkjum Kraftlyftingafélags
Akraness, varð bikarmeistari í klassískri bekkpressu. Hann setti
jafnframt Íslandsmet í hnébeygju, bekkpressu og samanlögðu á
árinu, sem og nýtt Íslandsmet í klassískri bekkpressu.
Góður árangur hestamanna
Vestlendingar stóðu sig vel í hestaíþróttum á liðnu ári. Jakob
Svavar Sigurðsson og Júlía frá Hamarsey urðu Íslandsmeistar-
ar í tölti fullorðinna og samanlagðir sigurvegarar í fjórgangi á
Íslandsmótinu í hestaíþróttum. Í 100 m skeiði ungmenna varð
Þorgeir Ólafsson Íslandsmeistari á Ögrun frá Leirulæk.
Siguroddur Pétursson og Steggur frá Hrísdal sigruðu í B-úr-
slitum í tölti á Landsmóti hestamanna í sumar og riðu sig upp í
4.-5. sæti í A-úrslitum. Jakob Svavar og Júlí höfnuðu í öðru sæti
með einkunnina 9,06. Þorgeir Ólafsson og Hlynur frá Hauka-
tungu Syðri unnu B úrslitin í ungmennaflokki og riðu sig upp
í annað sæti í A úrslitum. Vestlendingar áttu einnig mikið af
góðum kynbótahrossum á Landsmótinu og má þar helst nefna
stóðhestinn Eldjárn frá Skipaskaga sem var efstur í sínum flokki
með 8,44 í einkunn, Trymbill frá Stóra-Ási sem hlaut 1. verð-
laun fyrir afkvæmi og Aðall frá Nýjabæ hlaut Heiðursverðlaun
fyrir afkvæmi.
Valdís gerði vel í ár
Valdís Þóra Jónsdóttir, atvinnukylfingur úr Golfklúbbn-
um Leyni, lék á tólf mótum í Evrópumótaröð kvenna í golfi
á liðnu ári. Bestum árangri náði hún þegar hún hafnaði í 3.
sæti á Australian Ladies Classic Bonville mótinu í Ástralíu. Hún
lauk keppni í 38. sæti á stigalista Evrópumótaraðarinnar, sem er
næststerkasta atvinnumótaröð kvenna í heiminum. Valdís Þóra
keppti jafnframt á Opna breska meistaramótinu en komst ekki í
gegnum niðurskurðinn. Var það annað risamót Valdísar á ferl-
inum.