Heimsmynd - 01.04.1990, Qupperneq 11

Og áfram á Olafur Ragnar að hafa að-
varað ungu mennina. Hann minnti þá á
slægð Jóns Baldvins þegar hann náði
Bandalagi jafnaðarmanna yfir til sín á
einni nóttu. Hann brýndi fyrir þeim
hættuna á því að Jón Baldvin gæti klofið
Alþýðubandalagið með sama hætti, náð
hluta þess, eins og Birtingu, yfir til sín
með ljúfum áformum og tekið allt heila
galleríið yfir.
Ólafur Ragnar hefur átt í erfiðleikum
með flokksbræður sína í ríkisstjórn. Þeir
Svavar Gestsson og Steingrímur J. Sig-
fússon hafa reynst honum erfiðir í taumi
en hann þarf einnig að vera í málsvari
fyrir þá gagnvart hinum stjórnarflokkun-
um. Svavar hefur verið æfur út af Birt-
ingar-bramboltinu, en hvað gerist svo?
Hann skynjar það að Nýr vettvangur
gæti orðið afl í næstu þingkosningum og
að Alþýðubandalagið er að klofna sem
og að trúverðugur listi næst ekki fyrir
borgarstjórnarkosningar. Hann virðist
átta sig á því að það eru fáir valkostir í
stöðunni og ef til vill heillavænlegast að
ganga til liðs við Nýjan vettvang. Þannig
gæti fulltrúi gömlu flokksklíkunnar,
Svavar Gestsson, tekið óvæntan pól í
hæðina á meðan Ólafur Ragnar Gríms-
son einangrast og öll hans áform um nýja
landvinninga daga uppi.
Margir stuðningsmenn Birtingar og
gamla kjarna Alþýðuflokksins eru tor-
tryggnir á Nýjan vettvang en sjá sér samt
ekki annað fært í stöðunni en að styðja
þann lista sem kosið verður um fyrstu
helgina í apríl. En nú eru þeir tímar þar
sem atburðirnir taka eigin rás og ráðin af
ráðamönnum. Framvinda þessara mála
gæti orðið hröð og niðurstaða og úrslit
óvæntari en nokkurn óraði fyrir í upp-
hafi.D
Hcettulegasta vopníð í veski konunnar
er blóðrautt frá Astor