Heimsmynd - 01.04.1990, Side 35

Ekki er langt síðan litið
var á Sovétríkin og fylgiríki
þeirra sem einsteinung,
óbreytanlega og órjúfanlega
heild sem ekkert fengi
haggað. Þá var Mikhail
Gorbatséff bætt út í þá
fjölbreyttu blöndu
þjóðerna, trúarbragða,
siðmenningar og
mismunandi atvinnuhátta
sem rúmast hefur undir
ægivaldi alráðs
Kommúnistaflokks. Og það
byrjaði að ólga, krauma og
sjóða í deiglunni. Nú síðast
hefur Litháen lýst yfir fullu
sjálfstæði sínu. Önnur ríki
hóta að fylgja í kjölfarið. Er
sovéska heimsveldið að
liðast í sundur? Tekst
Gorbatséff að halda því
saman? Með samningum og
samkomulagi? Með beitingu
hervalds og ógnarstjórn?
Hver er hann, maðurinn
sem æðstu stofnanir
Sovétríkjanna eru nú að
veita víðtækara vald en
áður hefur verið formlega
saman komið í höndum
eins manns? Og konan sem
heldur í hönd honum?