Heimsmynd - 01.10.1990, Blaðsíða 18

UPPLJÓSTRANIR
UPPSAGNIR A SLÆMUM TIMA ... UPPRENNANDI.. . GOTUDANS ...
UPPRENNANDI
Ingvar E. Sigurðsson, er nýútskrifaður leikari frá Leik-
listarskóla íslands en hefur þó þegar fengið tvö hlutverk,
annað í Borgarleikhúsinu en hitt í Þjóöleikhúsinu. Ingvar
fer með hlutverk Þórs, ungs gítarleikara í leikritinu Eg er
meistarinn eftir Hrafnhildi Hagalín Guðmundsdóttur sem
tekið verður til sýninga 4. október í Borgarleikhúsinu. Það
er Kjartan Ragnarsson sem leikstýrir verkinu.
I Þjóðleikhúsinu glímir Ingvar hins vegar ásamt Arnari
Jónssyni við hlutverk Péturs Gauts í samnefndu leikriti eftir
Henrik Ibsen í leikstjórn Þórhildar Þorleifsdóttur. Ingvar
kveðst að vonum vera mjög ánægður með þessa þróun
mála því oft geti ungum leikurum reynst erfitt að krækja í
hlutverk.
Ingvar hefur einnig komið nálægt kvikmyndaleik. Hann
fór með hlutverk í kvikmynd Oskars Jónassonar, SSL 25
eða Sérsveitin Laugarásvegi 25, sem vakti mikla athygli
þegar hún var sýnd hér síðasta vetur.
NYR UTFLUTN-
INGUR
Sífellt fleiri íslenskar fyrir-
sætur halda til starfa á er-
lendri grundu. Fyrirsætufyr-
irtækið Icelandic Models
kynnti fyrir skömmu þær
stúlkur sem starfa á vegum
þess en margar þeirra hafa
unnið við fyrirsætustörf er-
lendis svo sem í Japan, á
Spáni og Italíu. Kynningin,
sem haldin var á Hótel Borg,
var að vonum vel sótt og
voru hátt í fjögur hundruð
gestir viðstaddir. Að rekstri
Icelandic Models standa fjór-
ar stúlkur, Sif Guðmunds-
dóttir, Laufey Johansen,
Hendrikka Waage og Berg-
lind Johansen.
VOGUE
Nýjungar skjóta stöðugt
upp kollinum. Bandaríska
söng- og leikkonan Ma-
donna, sem þekkt er fyrir allt
annað en að fara troðnar
slóðir, gaf ekki alls fyrir
löngu út plötu sem ber nafn-
ið Vogue. Söngkonan, sem
gerði víðreist og kynnti plöt-
una um allan heim með mikl-
um ljósa- og danstilþrifum,
lét sig ekki muna um að
kynna samhliða tónlist sinni
nýjan dansstfl sem hún hefur
þróað og kallaður hefur verið
Voguedans. Dansinn sem
saman stendur af stöðum og
diskódansi féll strax vel í
kramið hjá áhorfendum og
nýtur nú mikillar hrifningar á
diskótekum á Vesturlöndum.
Islenskir dansskólar hafa
að venju brugðist fljótt við og
bjóða nú flestir námskeið fyr-
ir alla aldursflokka í þessum
óvenjulega dansi sem á
stundum þykir minna mjög á
tilburði vaxtarræktarmanna
og -kvenna en í þeirra hópi
eru svokallaðar stöður gjarn-
an iðkaðar.
Því má bæta við að það
allra nýjasta sem íslenskir
dansskólar bjóða nemendum
sínum upp á eru námskeið í
street dansi sem á íslensku
myndi útleggjast götudans.
Sá dans er dansaður við hou-
se og hip hop tónlist og nýtur
að sögn Sóleyjar Jóhanns-
dóttur hvað mestra vinsælda
meðal karlþjóðarinnar.
PRESSU MÍNUS
Ný ritsjórn vikublaðsins Pressunnar hefur tekið til starfa
þó dregist hafi að ganga endanlega frá samningi vegna
starfsloka fráfarandi ritstjórnar blaðsins. Að sögn Jónínu
Leósdóttur, fyrrverandi ritstjóra blaðsins, ber fjármálastjóri
þess Hákon Hákonarson fyrir sig skorti á lausafé en benda
má á að á sama tíma hefur fyrirtækið lagt út í kostnað við
kaup á nýjum skrifstofubúnaði og tekið á leigu viðbótar-
húsnæði. Ekki er þó talið líklegt að Blað hf., en svo heitir
útgáfufyrirtæki það sem rekur Pressuna, komist hjá því að
borga fráfarandi ritstjórum blaðsins, þeim Jónínu Leósdótt-
ur og Ómari Friðrikssyni, þriggja mánaða lögbundinn upp-
sagnarfrest. Hvorugt þeirra hefur enn sem komið er ráðið
sig í vinnu að nýju.
„Eg hef enn ekki fengið nóg af fjölmiðlum þó vissulega
hafi það verið ólýsanlega erfið reynsla að hafa verið sagt
upp starfi svo fyrirvaralaust,“ sagði Jónína í samtali við
HEIMSMYND. „Það þarf þó meira til en þetta svo ég segi
endanlega skilið við fjölmiðlana," bætti hún við. Jónína var
ein þeirra sem stóðu að stofnun Pressunar á sínum tíma og
sú sem heiðurinn á að nafninu sem mörgum þykir sérlega
vel til fundið.
Ómar Friðriksson, sem ásamt Jónínu missti starf sitt sem
ritstjóri, segist hafa lært á þessu að vanda valið þegar að því
kemur að velja vinnuveitendur og flana ekki að neinu.
„Uppsagnirnar koma á mjög slæmum tíma því flestir fjöl-
miðlar hafa þegar ráðið fólk til starfa fyrir veturinn en það
góða við þetta er að nú gefst meiri tími til að sinna dætrun-
um tveim og húsverkunum,“ sagði Ómar.
Ingvar E. Sigurðsson.
Jónína Leósdóttir.
íslensk fyrirsæta.
18 HEIMSMYND