Heimsmynd - 01.10.1990, Blaðsíða 84
nœturlífinu. Það er af
sem áður var. Unga
fólkið fer ekki út á
skemmtistaði til að drekka
sig stútfullt heldur til að
dansa þar til svitinn
bogar af því. Tónlistin er
taktföst, fatnaðurinn ber
keim af stilleysi áttunda
áratugarins og leifum
þess sjöunda. Þykkbotna
skór eins og þeir sem
skvísurnar keyptu á High
Street Kensington,
mussur og útvíðar
gallabuxur. Þið vitið að
krökkunum er óhætt ef
þeir eru svona klæddir —
eða hvað? Forkólfar
þessara strauma kalla sig
Pakkhús postulanna en
þeir eru aðeins lítill angi
af hreyfingu sem fer eins
og eldur í sinu um
næturklúbba í Evrópu og
Bandaríkjunum.
84 HEIMSMYND
ný kynslóð, ný gildi, ný
tónlist, ný tíska en síðast
en ekki síst nýtt
skemmtanalíf. Ungt fólk
sem kemur saman til að
skemmta sér í stað þess
að láta skemmta sér, í
umhverfi sem það sjálft hefur skapað,
oft á stöðum þar sem engum hefði áður
látið sér detta í hug að hægt væri að
dansa. Þau klæðast litríkum fötum, sum-
ir í íþróttaskóm og íþróttabuxum, aðrir í
útvíðum gallabuxum og mussum, flestir
með friðarmerki, eða einhvers konar
galdrastafi um hálsinn. Þessi litríki hóp-
ur flykkist inn í skemmur eða út á engi
og dansar og dansar fram undir morgun,
ekki til að setja met heldur til þess eins
að skemmta sjálfum sér. Er nema von að
yfirvöldum og eldra fólki blöskri?
Þótt slagorð eins og frelsi, friður og ást
heyrist oft í þessum hópi og bæði fata-
og hártíska sé að hluta til fengin að láni
hjá hippunum gömlu er hér ekki um
endurvakningu hippahreyfingarinnar að
ræða. Skýringa er mun fremur að leita í
tíðarandanum. Frjálslyndi er ríkjandi hjá
ungu fólki og merkja má greinilegt frá-
hvarf frá gildum uppatímabilsins þar sem
vinna, samkeppni og efnishyggja hafa
haft yfirhöndina. I stað þess að leita lífs-
hamingjunnar í dauðum hlutum er leit-
inni snúið inn á við. Börn neysluþjóðfé-
lagsins vilja fá að skemmta sér sjálf í stað
þess að láta aðra skemmta sér, vera virk-
ir þátttakendur í stað þess að láta mata
sig. Þau vilja gera eitthvað nýtt, brjótast
undan viðteknum venjum og hefðum.
Til hafa orðið tveir hópar hér á landi,
annars vegar Pakkhús postulanna og
hins vegar 26. maí hópurinn, sem hafa
það að markmiði að stuðla að bættu næt-
urlífi með því að gera einstaklinginn að
virkum þátttakanda. Lykilorðið er að