Heimsmynd - 01.10.1990, Blaðsíða 38

SJÓNVARP: Nancy á fertugsaldri
Einhver vinsælasta framhaldssería í sjónvarpi um þessar
mundir, frá Bandaríkjunum via ísland til Evrópu, er þátturinn
Á FERTUGSALDRI (Thirty something), sem íslenska sjón-
varpið sýnir á sunnudagskvöldum. í Bandaríkjunum fylgjast
tvær og hálf milljón áhorfenda með þessum þætti á hverju
fimmtudagskvöldi. Perónurnar Hope og Michael, hin ný-
skildu Elliot og Nancy, Gary, Melissa og Ellyn eru fólki að
góðu kunn, hjónabandserjur þeirra, örðugleikar í starfi, kyn-
líf, foreldrar og barnauppeldi. Þeir sem gagnrýna þættina utan
Bandaríkjanna segja þá stundum allt of væmna og ameríska.
Meira að segja Bandaríkjamönnum blöskrar mörgum hve allt
er í raun fullkomið í Á fertugsaldri. Michael er alveg jafnsætur
þótt hann sé beiskur þegar fyrirtækið fer á hausinn. Viðbrögð
Hope við fósturlátinu voru svolítið ýkt og Ellyn er nokkuð
óraunsæ í einkalífinu miðað við árangur á öðrum sviðum.
En . . .
Einhvern veginn dregst fólk að þessum þáttum og finnur
jafnvel til með Nancy sem er orðin einstæð móðir (bóndakona
á Skeiðum hleypur alltaf fram í eldhús þegar Elliot hinn óþol-
andi birtist), fólk skilur afbrýðisemi Melissu á köflum og
þannig mætti áfram telja. Þátturinn vekur með öðrum orðum
viðbrögð og svo mikil í heimalandi framleiðanda að hið
þekkta tímarit Esquire kaus Nancy, eða leikkonuna Patricu
Wettig, konu ársins 1990, í árlegum þætti sínum Women We
Love - and women we don’t!
Það er Nancy sjónvarpsþáttanna sem tímaritið segist elska
en ekki leikkonan sem fæstir vita nokkurn hlut um. Eða eins
og blaðið segir orðrétt: „Allt í einu langar okkar til að taka
fyrstu lest sem við náum og þjóta til Fíladelfíu (þar á fólkið á
fertugsaldri heima), gefa henni glas af köldu Evian (ölkeldu-
vatni) og segja henni að þetta verði allt saman í lagi. Leyfðu
henni að lifa, (lesist: vera áfram í þáttunum) herra framleið-
andi, leyfðu henni að lifa. “ (þegar hér er komið við sögu er
Nancy með legkrabba - þáttur 105?)
• Njóttu lífsins sem nýr maður með Apollo
hár. Hárið er hluti af sjálfum þér í leik og
starfi allan sólarhringinn, í sturtunni og í
sundi.
• Allar upplýsingar í fullum trúnaði og án allra
skuldbindinga.
• Sendum myndbæklinga, ef óskað er.
RAKARA- 0G HÁRGREIÐSLUSTOFAN
<;reiil\l\t
HRINGBRAUT 119 S 22077
38 HEIMSMYND