Litli Bergþór - des. 2017, Síða 13

Litli-Bergþór 13
Bláskógaskóli í Reykholti er „Skóli á grænni
grein“ og stefnir að því að flagga grænfánanum
í byrjun næsta árs. Mikið og gott starf í átt til
sjálfbærni er nú unnið í skólanum. Grænfáninn
er umhverfismerki sem nýtur virðingar víða í
Evrópu sem tákn um árangursríka fræðslu og
umhverfisstefnu í skólum. Hann stuðlar að því
að auka og efla vitund nemenda, kennara og
annarra starfsmanna skólans um umhverfi sitt.
Með því er verið að styrkja grunn að því að tekin
sé ábyrg afstaða og innleiddar raunhæfar aðgerðir
í umhverfismálum yfirleitt. Reynslan sýnir að
skólar sem taka þátt í verkefninu geta sparað
talsvert í rekstri.
Markmið verkefnisins er að:
• Bæta umhverfi skólans, minnka úrgang og
notkun á vatni og orku.
• Efla samfélagskennd innan skólans.
• Auka umhverfisvitund með menntun og
verkefnum innan kennslustofu og utan.
• Styrkja lýðræðisleg vinnubrögð við stjórnun
skólans þegar teknar eru ákvarðanir sem varða
nemendur.
• Veita nemendum menntun og færni til að takast
á við umhverfismál.
• Efla alþjóðlega samkennd og tungumálakunnáttu.
• Tengja skólann við samfélag sitt, fyrirtæki og
almenning.
Nú hefur umhverfisnefnd Bláskógaskóla í
Reykholti, sem er skipuð einum nemanda úr
hverjum bekk skólans, ákveðið að koma upp
útikennslustofu í vetur og jafnframt kaupa
flaggstöng fyrir grænfánann. Efnið verður
keypt hjá Skógrækt ríkisins í Haukadal.
Umhverfisnefndin ákvað á fundi sínum 24.
október að leita til fyrirtækja og einstaklinga um
styrk til kaupanna.
Þeir sem hafa áhuga á að styrkja verkefnið
geta lagt inn á reikning nemendaráðs:
0151-15-370136. Kt. 681088-9119.
Með von um góðar undirtektir.
Nemendur Bláskógaskóla Reykholti.
Útikennslustofa í skóla á grænni grein
Umhverfisnefnd skólans: Ragnheiður Jónasdóttir verkefnisstjóri, Daníel Aron Bjarndal Ívarsson 6. bekk, Hreinn Þorkelsson skólastjóri, Arnaldur Ármann
4. bekk, Lilja Björk Sæland 5. bekk, Matthías Emil L. Óttarsson 10. bekk, Sigurður S. Ásberg Sigurjónsson 9. bekk, Katla Helgadóttir 1. bekk, Magnús
Rúnar Traustason 3. bekk, Emelía Hannesdóttir 2. bekk, Þórhildur Júlía E. Sæmundsen 8. bekk, Matthías Jens Ármann 7. bekk og Guðný Rósa
Magnúsdóttir fulltrúi starfsmanna. Á myndina vantar fulltrúa foreldra Herdísi Friðriksdóttur.