Litli Bergþór - dec. 2017, Side 18

18 Litli-Bergþór
Fréttir frá Skálholti
Litli Bergþór hefur
spurt frétta úr Skál-
holti. Það er mér
bæði heiður og
ánægja að svara
þótt í sím skeytastíl
verði. Nýjustu fréttir
eru þær að nú hafa
starfsmenn Oidtmann
verkstæðisins í
Linnich í Þýska landi
tekið niður fimm
glugga í Skálholts-
kirkju og flutt þá til
viðgerða á verkstæði
sínu, þar sem gluggar
Gerðar Helgadóttur
voru framleiddir á
sínum tíma, eins og
líka mósaík mynd
Nínu Tryggvadóttur
yfir altarinu. Kostn-
aðurinn við þennan
hluta viðgerðanna verður greiddur af Verndarsjóði
Skálholtsdómkirkju, sem stofnaður var með
skipulagsskrá á síðasta ári og hefur verið safnað
í sjóðinn með framlögum frá fyrirtækjum og
einstaklingum.
Einnig eru það nýjar og góðar fréttir að
Sveitarstjórn Bláskógabyggðar samþykkti á
fundi sínum snemma í nóvember á grundvelli
samþykktar Skipulagsnefndar að heimila að
deiliskipulag fyrir Skálholtsjörðina alla megi
fara í auglýsingu. Þar með er staðfest að nýtt
deiliskipulag tekur væntanlega gildi næsta
vor, eins og áformað var, nema eitthvað óvænt
hendi. Ein aukaafurð deiliskipulagsvinnunnar
var skráning allra fornminja í landi Skálholts.
Fornminjar reynast vera á yfir sextíu stöðum og
eru um það bil tvöhundruð.
Ekki er í skipulaginu gert ráð fyrir neinum
nýjum byggingum á Skálholtsþúfunni sjálfri,
nema að breytt verður inngangi inn í biskupshúsið
svokallaða, en ákveðið hefur verið að breyta notkun
þess húss bæði til þjónustu fyrir gesti staðarins
og ferðamenn og einnig til að bæta aðstöðuna
fyrir starfsemina og starfsfólkið á staðnum.
Tvær arkitektastofur fengu það verkefni að gera
tillögur um nýtt skipulag í húsinu. Dómnefnd
hefur verið skipuð og skal skila tillögum til
hennar 21. nóvember. Síðan skal dómnefnd skila
niðurstöðum 8. desember. Vonandi tekst að ljúka
fyrsta áfanga, sem er breyting á kjallara hússins,
fyrir sumar.
Búið er að klæða stóra skálann í Skálholtsbúðum
og skipta um alla glugga, sem nú eru jafnframt
björgunarop. Það hefur löngum verið áhyggjuefni
að ekki væri nægilega auðvelt að rýma húsið ef
eldur kemur upp. Þó að nú sé búið að endurnýja
allar kaldavatnslagnir á staðnum, þá er ekkert
slökkvivatn. Það er sömuleiðis búið að endurnýja
allan búnað hitaveitunnar úr Þorlákshver og setja
þar upp varamótor til að tryggja stöðugleika í
vatnsmiðlun.
Fyrir utan viðgerðina á gluggum
Skálholtsdómkirkju, liggur fyrir úttekt á
viðgerðaþörf kirkjunnar, sem verður mjög
kostnaðarsöm. Í því samhengi er ánægjulegt að
nefna, að eftir erfiða skuldastöðu til margra ára,
Gengið til messu á Skálholtshátíð 2017. Ljósm. Bóas Kristjánsson.
Kristján Valur Ingólfsson: