Litli Bergþór - dec. 2017, Side 19

Litli-Bergþór 19
bæði vegna bygginga og rekstrar, er nú svo komið
árið 2017 að Skálholt skuldar ekki neitt.
Þó að stærstu viðhaldsverkefni kirkjunnar hafi
þurft að bíða er ánægjulegt að mega þakka
hér og nú fyrir hið nýja hljóðkerfi í kirkjunni
sem til komið er með mjög rausnarlegum
stuðningi Oddvitanefndar Laugarásslæknishéraðs
og framlagi oddvitasjóðsins, en einnig frá
einstaklingum og sóknarnefndum. Enn er eftir að
ljúka verkinu og setja upp búnað í Skálholtsskóla
til að taka á móti hljóði og mynd við stórar útfarir.
Gert er ráð fyrir að við breytingar á biskupshúsinu
verði einnig hægt að tengja það hús með sama
hætti.
Starfsemin í Skálholti er í nokkuð föstum
farvegi. Messað er alla sunnu- og helgidaga, og
margvíslegt helgihald þar að auki. Barnastarf og
unglingastarf er með ágætum yfir vetrartímann.
Skálholtskórinn er öflugt hljóðfæri sem setur
svip sinn á starfsemina í kirkjunni, eins og líka
organistinn og kórstjórinn Jón Bjarnason.
Sumartónleikar standa í fimm vikur ár hvert.
Síðustu árin hefur tekist að fjármagna þá og
verður svo vonandi áfram.
Skálholtsskóli starfar samkvæmt gildandi
lögum um hann, þó að hlutfall annarrar þjónustu
á sviði veitinga og gistingar í skólanum hafi vaxið
verulega. Kyrrðardagar og pílagrímastarf eru í
góðum farvegi.
Þegar þetta er ritað er nokkur óvissa um framtíð
búskapar í Skálholti. Vonandi næst þar góð
niðurstaða. Nú lýkur senn síðara starfstímabili
þess sem þetta ritar í Skálholti. Ég nota þetta
tækifæri til að þakka þeim sem rita Litla Bergþór
margar ánægjustundir síðastliðin 25 ár!
Gersemar Skálholtskirkju þarfnast viðhalds. Ljósm. Bóas Kristjáns.
Espiflöt ehf, Reykholti s. 486 8955
Fóðurblandan hf. Reykjavík, s. 570 9800
Friðheimar, Reykholti s. 486 8815
Garðyrkjust. Kvistar Reykholti s. 694 7074
Gljásteinn ehf, Myrkholti s. 486 8757
Gullfosskaffi við Gullfoss s. 486 6500
Helgi Gumundsson rafvirki s. 864 6960
Hótel Geysir, Haukadal s. 480 6800
Ferðaþjón. Gullfoss, Brattholti s. 486 8979
JH-vinnuvélar, Brekkuheiði s. 892 7190
Miðhúsabúið, Miðhúsum s. 486 8640
Skjól-Camping, Kjóastöðum s. 899 4541
Úthlíð ferðaþjónusta s: 486 8770
Eftirtaldir styrkja útgáfu
Litla-Bergþórs
og óska lesendum hans
gleði og friðar á jólum