Litli Bergþór - dec 2017, Qupperneq 43

Litli-Bergþór 43
Kvenfélag Biskupstungna sendir félögum sínum og Sunnlendingum
öllum bestu óskir um gleðileg jól
og farsælt komandi ár.
Þökkum ánægjuleg samskipti á liðnum árum.
og við byrjuðum þá um haustið búskap okkar á
vélarloftinu hjá Grími, eins og fleiri hafa gert.
Ég byggði húsið á Brún sumarið 1959. Það var
Bjarni Ólafsson, bróðir séra Guðmundar Óla,
sem var yfirsmiður. Býlinu fylgdi 1 sekúndulítri
af sjálfrennandi heitu vatni úr hvernum, sem voru
veruleg hlunnindi. Við fluttum svo inn vorið 1960.
Giftum okkur þó ekki fyrr en 6. mars 1966, árið
sem Anna Rósa fæddist. Kona mín náði því að lifa
það að vera gift mér í 50 ár, en hún dó þ. 17. apríl
2016. Ég viðurkenni að það getur verið að áhugi á
félagsmálum og vinnan hafi komið eitthvað niður
á konunni minni og fjölskyldulífi, því ég var oft
mikið að heiman. En hún sinnti heimilinu og
börnunum vel. Einn vetur vann hún í mötuneytinu
í Reykholtsskóla, ég held það hafi verið veturinn
1963-1964. Við eignuðumst þrjú börn, sem
öllum hefur gengið vel í lífinu. Bryndís Guðrún
er land- og jarðfræðingur fædd 1959, Anna Rósa
er grasalæknir og viðskiptafræðingur, fædd 1966
og Róbert Sveinn, sem er yngstur, fæddist 1968,
lærði kvikmyndagerð og alþjóða viðskiptafræði,
en starfar nú sem frumkvöðull í ferðamálum.
Hugmyndaríki er í ættinni, því bróðir Ásdísar,
Trausti Sveinsson sem býr á Bjarnargili, er líka
hugmyndaríkur. Hann var á sínum tíma margfaldur
Íslandsmeistari í skíðagöngu og ólympíufari og er
enn í fullu fjöri. Barnabörnin eru þrjú: Álfgeir f.
1994, sonur Önnu Rósu, og Bjarki Fannar f. 2008
og Birkir Róbert, f. 2017, synir Róberts Sveins og
sambýliskonu hans, Þórunnar Maríu Bjarkadóttur
lögfræðings.
Það var oft lítið um verkefni á veturna og
Mjölnismenn þá stundum á atvinnuleysisbótum.
En þá gafst líka meiri tími til félagsmála. Ég
held ég geti sagt að ég hafi verið í flestum
félögum í Tungunum nema Kvenfélaginu og
Hestamannafélaginu og yfirleitt gjaldkeri! Eftir
að ég fór að búa tók ég stutt bókhaldsnámskeið
í bréfaskóla SÍS, sem dugði mér vel í öll þau
gjaldkerastörf sem ég sinnti um ævina. Það var
Sighvatur á Miðhúsum, sem stakk upp á því að ég
færi í fjallskilanefnd 1966. Stór-sauðfjárbóndinn
Sveinn í Tungu var auðvitað hneykslaður á því.
Ég, sem ekki átti eina einustu kind! En þau í
Ásdís og Róbert um 1978. Systkinin frá Brún talið f.v: Anna Rósa, Álfgeir sonur hennar, Róbert
Sveinn og Bryndís Guðrún árið 1997.