Ársrit um starfsendurhæfingu - 2011, Side 17

17www.virk.is
VIÐTAL
hans og Öldu. Eftir nokkra tíma var mig
farið að langa til þess að vinna og það
fannst mér í raun ótrúlegt. Ég hafði ekki
haft löngun til þess þótt ég hefði sótt um
störf. Það gerði ég bara til þess að sýna
virkni.“
Jafnframt því sem Stefán sótti tíma hjá
sálfræðingi sér að kostnaðarlausu fór
hann á námskeið sem nefnist Átta vikur
í vellíðan. ,,Þar var meðal annars kennd
næringarfræði og farið í gegnum litróf
tilfinninganna. Þetta var mjög gagnlegt.“
Áður en Stefán leitaði til Öldu ráðgjafa
hafði hann sótt um endurhæfingu á
Reykjalundi vegna verkjanna í líkaman-
um. ,,Ég fór þangað í lok ágúst og kom
út án þess að finna til. Ég hef aldrei áður
verið verkjalaus. Það gerast hreinlega
kraftaverk á Reykjalundi. Svo útvegaði
Alda mér 3 mánaða kort í líkamsrækt.
Ég fer í líkamsræktina nokkrum sinnum í
viku og fer svo auðvitað út að ganga með
hundinn á hverjum degi.“
Kominn með vinnustofu
Stefán hefur í gegnum tíðina teiknað
og málað og verið með aðstöðu til þess
heima. Nú er hann búinn að koma sér
upp vinnustofu úti í bæ. ,,Þótt ég hafi
alltaf verið smiður hefur mig alla tíð
dreymt um að fást við myndlist. Alda
hvatti mig til þess að halda áfram á þeirri
braut og ég fór að leyfa mér að trúa því
að þetta væri það sem ég ætti að fást við.
Ég hélt meira að segja myndlistarsýningu
í sumar og núna stefni ég að því að sækja
um í Listaháskólanum. Ég hef öðlast
sjálfstraust aftur.“
„Ég koðnaði niður.
Ég var bara heima
undir sæng og reyndi
að láta mig hverfa.“
Þótt Stefán sé núna verkjalaus og finnist
sem hann sé orðinn ungur á ný er hann
ekki búinn að ná fullri starfsorku. ,,Ef ég
held áfram á þessari braut kemur að því
að ég fæ hana. Á meðan ég hef þetta
lífsviðhorf sem ég hef þá eru mér allir
vegir færir. Starfsendurhæfingarsjóður
var tæki sem kom mér af stað og Alda
fylgist vel með mér. Ég hlakka alltaf til að
fara á hennar fund.“