Ársrit um starfsendurhæfingu - 2011, Side 46

46 www.virk.is
A
TV
IN
N
U
LÍ
F
ATVINNULÍF
Eitt af hlutverkum Starfsendurhæfingar-
sjóðs er að hafa áhrif á viðhorf og athafnir
í samfélaginu og stuðla að aukinni virkni
starfsmanna. Skilgreind framtíðarsýn og
stefna Starfsendurhæfingarsjóðs vegna
starfsendurhæfingar á vinnustöðum
markar leið að þeirri viðhorfsbreytingu
sem þarf að eiga sér stað í íslensku
samfélagi, til varnar því að launafólk
hverfi af vinnumarkaði vegna örorku.
VIRK hefur mótað eftirfarandi framtíðarsýn
vegna starfsendurhæfingar á vinnustöðum.
Hún felst í að:
Vinnustaðir á Íslandi hafi sem •
hluta af sinni starfsmannastefnu
áherslu á forvarnir, fjarvistastjórnun
og viðbrögð við skammtíma- og
langtímafjarvistum vegna veikinda
og slysa.
Stefna, athafnir og viðhorf á •
vinnustöðum stuðli að eflingu
starfsendurhæfingar og aukinni
virkni einstaklinga með skerta
starfsgetu.
Viðhorf á vinnustöðum séu þannig að •
gert sé ráð fyrir að allir hafi hlutverk
í atvinnulífinu þrátt fyrir skerta
starfsgetu af ólíkum ástæðum.
Tilgangur með starfsendurhæfingu
á vinnustöðum er að einstaklingar
hafi möguleika á að meta starfsgetu
sína miðað við starfslýsingu og þær
kröfur sem gerðar eru til starfsins.
Markmið einstaklingsins getur einnig
verið að þjálfa sig í þeirri starfsgrein
sem fyrirtækið starfar innan og er það
þá liður í starfsendurhæfingarferlinu
til að auka möguleika hans á farsælli
atvinnuþátttöku.
Stjórnun starfsmannamála
Starfsmannastefna eða mannauðsstefna
er lifandi leiðarvísir um hvernig stjórnun
starfsmannamála og starfsumhverfis
skuli háttað. Hún lýsir viðhorfum
vinnustaðarins og áherslum varðandi
starfsmannamálin, meðal annars
ráðningarferli, starfsþróun, gildum og
samskiptaferlum, vinnuaðstæðum og
heildarmenningu vinnustaðarins. Heilsu
– og vinnuverndarstefna getur verið liður
í mannauðsstefnu fyrirtækja. Þá er lögð
áhersla á heilsu og velferð starfsmanna
og kröfur um öruggt og heilsusamlegt
vinnuumhverfi. Í slíkum stefnum sem
Mannauðsstjórnun
og forvarnir á vinnustað
Svava Jónsdóttir sérfræðingur hjá VIRK
hafa forvarnargildi er oftast lögð áhersla á
heilsueflingu starfsmanna og hvatningu
og aðgerðir sem atvinnurekendur bjóða
upp á til að viðhalda og efla heilsu
starfsmanna sinna.
Stefna fyrirtækja í vinnuumhverfismálum
eða vinnuverndarstefna er oftast liður í að
mæta lagalegum kröfum og viðmiðum.
Vinnuverndarlögin gera kröfur um
öruggt og heilsusamlegt vinnuumhverfi
þar sem áhættuþættir starfa eru metnir
og innleiddar eru aðgerðir eða ferlar á
vinnustöðum til að fyrirbyggja hættur og
afleiðingar þeirra.
Markmið vinnuverndarlaganna (lög
46/1980) er að:
„tryggja öruggt og heilsusamlegt •
starfsumhverfi, sem jafnan sé í
samræmi við félagslega og tæknilega
þróun í þjóðfélaginu.“
„tryggja skilyrði fyrir því, að innan •
vinnustaðanna sjálfra sé hægt að
leysa öryggis- og heilbrigðisvanda-
mál, í samræmi við gildandi lög og
reglur, í samræmi við ráðleggingar
aðila vinnumarkaðarins og í sam-
ræmi við ráðleggingar og fyrirmæli
Vinnueftirlits ríkisins.“
Mannauðsstefna og forvarnir á vinnustað
stuðla að góðu vinnuumhverfi
og velferð starfsmanna.“