Fréttir - Eyjafréttir - jul 2019, Qupperneq 30

30
Einar Gylfi er fæddur í Vestmannaeyj-
um 1. september árið 1950 og er sonur
hjónanna Jóns Ó. Kjartanssonar, vélstjóra og for-
manns Verkalýðsfélags Vestmannaeyja og Sigríðar
Angantýsdóttur verkakona. Einar Gylfi ólst upp
á Skjaldbreið, í Húsavík við Urðaveg og síðar
Hjarðarholti við Vestmannabraut. Eftir landspróf
fór hann til náms í Reykjavík og lauk kennaraprófi
1971, BA-prófi í sálfræði frá HÍ 1975. Lauk síðar
cand.psych. prófi í sálfræði frá Árósaháskóla og
hefur starfað sem sálfræðingur frá 1979.
Árgangurinn minn (1950) hittist
fyrir stuttu. Við höfum hist á u.þ.b.
5 ára fresti síðan 1984, þá til að
fagna 20 ára fermingarafmælinu.
Ég komst ekki á fyrsta mótið en hef
ekki látið mig vanta síðan. Nú erum
við á 69. aldursári og samkomurnar
orðnar hófstilltari á sumum svið-
um. En alltaf eru faðmlögin jafn
innileg, sögurnar og endurminn-
ingar jafn bráðfyndnar og/eða hug-
ljúfar. Sumar sögurnar eru sagðar í
hvert skipti og gera sig alltaf jafn vel. Það eru fastir liðir
og fátt sem kemur á óvart. En einmitt þannig viljum
við hafa það. Og allt hvílir þetta í hjartahlýjum faðmi
Kiddýar. Það leitaði á mig hversu þakklátur ég er fyrir
þessi árgangsmót og að tilheyra þessum hópi. Því hann
á nefnilega stóran þátt í að tengja mig tryggðaböndum
við mína heimabyggð.
Eftir landspróf hélt ég suður til náms, en kom til Eyja í
öllum fríum. Ég hélt áfram að vera sumarmaður í Hrað-
inu eins og hafði verið frá 10 ára aldri. Lítið breyttist
í byrjun. En ég eignast nýja vini og félaga og meira að
segja kærustu fyrir sunnan. Upp úr tvítugu hætti ég að
sækja sumarvinnuna til Eyja og jólaheimsóknir urðu
stopulli. Það slaknaði á tengslunum við Eyjarnar.
Svo kom gosið. Ég átti þess kost að koma út í Eyjar
dagpart í miðju gosi. Allt var svart. Flakkarinn stefndi
að höfninni. Ég var viss um að það yrði aldrei búið
aftur í Eyjum. Þegar gosinu lauk fluttu foreldrar mínir
og systkini fljótlega aftur til Eyja. Ég kom á fyrstu
Þjóðhátíðina á Breiðabakka. Mér fannst hún frekar
dapurleg. En þó ekki eins dapurleg og Eyjan mín. Nýja
hraunið var eins og risavaxið æxli. Gamli góði austur-
bærinn horfinn, leiksvæðin í klöppunum, Garðstúni og
Gjábakka túni. Gamla góða sundlaugin. Allt þetta var
1950
Horft heim til Eyja
eyjaHjarta-
styrkjandi
Einar Gylfi Jónsson
Einar Gylfi
Jónsson
Systkinin Einar Gylfi, Helga og Kjartan í
garðinum í Húsavík við Urðaveg í kringum 1958.
Í baksýn er Gjábakkatúnið og hús við Bakkastíg.
1950 1951
Elliheimilið Skálholt
við Urðaveg vígt 11.
nóvember, áður í eigu Gísla
Magnússonar skipstjóra og
útvegsbónda. (Mynd: Friðrik
Jesson) • Stórbruninn í
Hraðfrystistöðinni. • Hótel
HB tók til starfa 25. apríl.
Á þessari mynd eru sjö Vestmannaeyingar sem allir urðu
Íslandsmeistarar í stangarstökki, þjóðaríþrótt Eyjamanna.
Efri röð frá vinstri: Friðrik Jesson, Ásmundur Steinsson,
Jónas Sigurðsson og Karl Vilmundarson. Neðri röð: Guðjón
Magnússon, Torfi Bryngeirsson og Ólafur Erlendsson.
• Torfi varð Evrópumeistari í langstökki 1950.
Vígsla minnisvarðans við Landa-
kirkju um hrapaða og drukknaða
og þeirra sem fórust í flugslysum .
(Mynd: Jóhann Stígur Þorsteinsson)