Fréttir - Eyjafréttir - júl. 2019, Page 44

Árið 2017 var þess minnst að 100 ár voru
frá því prentun og um leið blaðaútgáfa
hófst í Vestmannaeyjum. Saga sem þarf að halda til
haga og var það gert afmælisárið fyrir forgöngu
Arnars Sigurmundssonar og Kára Bjarnasonar
með fundaröð sem lauk með málþingi í Einarsstofu
í nóvember 2017. Þar lýstu menn sem tengst hafa
útgáfustarfsemi og prenti í Vestmannaeyjum síðustu
áratugi sýn sinni á þennan mikilvæga og ómissandi
þátt í bæjarlífinu og um leið hluta af sjálfsmynd Vest-
mannaeyja.
Að hafa fengið að vera hluti af þess-
ari sögu í yfir þrjátíu ár, um þriðjung
af sögu prents og blaðaútgáfu í Vest-
mannaeyjum er eitthvað sem ég er
mjög stoltur af. Það var fyrir tilviljun
að ég var allt í einu byrjaður að vinna
á Fréttum í júní 1986 sem átti eftir að
verða ævistarfið. Þá var Gísli Valtýsson,
framkvæmdastjóri, ritstjóri og prent-
ari. Vinnudagurinn gat verið langur,
stundum voru fréttirnar þungar og
sumum sárar sem gat tekið á en það var aldrei leiðinlegt. Það
kom fyrir að það gustaði, blés jafnvel hressilega um blaðið
sem tók á en gat líka verið hvatning til að gera betur.
fólkið beið eftir blaðinu
Þegar ég byrjaði voru Fréttir fríblað og komu út á fimmtu-
dögum. Sundum hamagangur á efri hæðinni á Strandvegi
47 þegar fólk kom í stórum hópum að ná í blaðið. Oft var
það sama fólkið sem var sent úr stöðvunum til að ná í Fréttir
fyrir næsta kaffitíma. Það er ekki hægt að hugsa sér nánari
tengsl við lesendur, við sátum og röðuðum blaðinu beint í
hendurnar á fólkinu sem beið í óþreyju. Síðan var blaðinu
dreift í búðir og gátum við fylgst með fólki storma á Tang-
ann, nú Krónuna og ná sér í blað til að taka með heim. Smá
viðurkenning fyrir mikla vinnu.
Keppinauturinn á þessum árum var Dagskrá sem Her-
mann Einarsson átti og gaf út. Samkeppnin var nokkuð
hörð fyrst eftir að ég byrjaði en seinna urðum við Hermann
góðir félagar, áttum ýmis sameiginleg áhugamál eins og
góða tónlist, bækur og Hermann var flestum fróðari um
sögu Vestmannaeyja. Það var brunnur sem gaman var að
sækja í. Dagskrá kom út frá 1972 til 2005.
öflug blaða-
útgÁfa mikil-
vægur þÁttur Í
sjÁlfsmynd
eyjamanna
Ómar Garðarsson, fyrrum
ritstjóri Frétta og Eyjafrétta
Ómar
Garðarsson
44
Fyrsta konan tekur sæti í bæjarstjórn, Sigurbjörg
Axelsdóttir. • Fyrsta húsið, Helgafellsbraut 6, tengt
hraunhitaveitunni þann 20. janúar.
Gjallhreinsun við Búastaðabraut og Nýjabæjabraut.
Hraun fjarlægt á horni Kirkjuvegar og Miðstrætis.
Hraunhreinsun hafin við Ísfélagið og Fiskiðjuna.
Fjölbýlishús og raðhús við Foldahraun í byggingu.
Hraunbúðir, dvalarheimili aldraðra og leikskólinn
Kirkjugerði. (Myndir: Sigurgeir Jónasson)
1974
1974