Fréttir - Eyjafréttir - Jul 2019, Blaðsíða 45

45
tvö blöð á viku
Tímamót urðu árið 1992 þegar Fréttir varð áskriftarblað,
borið út til áskrifenda, selt í lausasölu í nokkrum versl-
unum og sent til hundraða áskrifenda uppi á landi. Var
þetta gert af illri nauðsyn því auglýsingar stóðu ekki
undir útgáfukostnaði. Var um leið spennandi því þetta
gerði meiri kröfur til ritstjórnar, að gefa út blað sem
einhver vildi kaupa. Það tókst og var dreifingin hreint
ótrúleg. Metnaður var til að standast auknar kröfur og
tilfallandi samkeppni þegar önnur blöð skutu upp koll-
inum. En blaðaútgáfa er ekki spretthlaup heldur spurn-
ing um úthald og þrjósku. Það var eitthvað sem við
Gísli Valtýsson höfum í ríkum mæli, keppnisskap og
þrjósku. Mest reyndi á þegar við ákváðum að gefa út tvö
blöð í viku árin 1989-1990 á þriðjudögum og fimmtu-
dögum og héldum út í eitt og hálft ár. Hreint ótrúlegt
þegar maður lítur til baka. Ekki var alltaf innstæða fyrir
fimm dálka fyrirsögnum með stríðsfréttaletri en ein-
hvern veginn varð að fylla blöðin.
Ef eitthvað er, þá var bæjarpólitíkin heitari en við
þekkjum núna. Þykir þó sumum nóg um stöðuna í dag.
Við lentum stundum í hringiðunni, kom fyrir að hálf
bæjarstjórnin segði upp blaðinu á einu bretti en flestir
komu til baka. Eitt sinn voru kennarar í Grunnskól-
anum ekki sáttir, kraftmiklar konur sem seinna urðu
góðir félagar mínir og tóku blaðið í sátt.
kraftmikið samfélag
Blaðaútgáfa, ekki síst í eins einangruðu samfélagi og
Vestmannaeyjar eru, getur verið snúin og nálægðin
mikil. Við birtum fréttir sem særðu og það var oft ekki
gaman í niðursveiflunni frá 1992 fram yfir 2000 þegar
fólki fækkaði úr tæplega 5000 manns í rúmlega 4000.
Þá voru margir ósáttir við Fréttir sem gerðu ekkert
nema segja frá því sem var að gerast. Bæjarstjórn í bull-
andi vörn og ekki tókst allt sem lagt var af stað með. Á
nýrri öld birti til og síðan hefur leiðin legið upp á við
að mestu.
Við fengum oft hrós fyrir fjölbreytt og efnismikið blað
og auðvitað fylgdi því mikil vinna að koma vikulega út
blaði upp á 16 og 20 síður en það þarf meira til. Grunn-
urinn var öflugt samfélag sem býður upp á svo margt í
menningu, atvinnulífi, íþróttum, skólastarfi og öflugu
fólki sem alltaf er reiðubúið að takast á við krefjandi
verkefni til að létta okkur hinum stundirnar. Standa
fyrir viðburðum eins og Þjóðhátíð og íþróttamótum
auk fjölda menningarviðburða sem eru svo miklu fleiri
en flesta grunar.
margir komið við sögu
Í stuttri grein er í of mikið lagt að telja upp alla þá sem
komið hafa að útgáfu blaðsins en ég get ekki látið hjá
líða að nefna Sigurgeir Jónsson, kennara, blaðamann og
prófarkarlesara sem var mér mikil stoð sem ritstjóra.
Þorstein Gunnarsson sem átti sinn þátt í að gera Fréttir
eitt af öflugustu héraðsfréttablöðum landsins. Seinna
kom Guðbjörg Sigurgeirsdóttir og með hana sem blaða-
mann náði blaðið nýjum hæðum. Við Gísli stóðum
vaktina í rúm 30 ár í gegnum sætt og súrt. Sigurður
Jónsson, kennari og bæjarfulltrúi og Arnar Sigur-
mundsson voru lengst af stjórnarformenn á þessum
tíma. Fengu þeir skellina þegar Íhaldið var ósátt við
blaðið en það var aldrei nefnt. Seinna kom yngra fólk
til sögunnar sem voru forréttindi fyrir karl á miðjum
aldri og vel það að fá að vinna með.
Það er með þakklæti og stolti sem ég lít til baka. Alltaf
með góðu fólki sem lagði sig fram og var svo oft það
rétta á réttum tíma fyrir blaðið. Sara Sjöfn Grettisdóttir
sem tók við af mér sem ritstjóri hefur átt á brattann að
sækja síðan hún tók við 2017 en staðið sig frábærlega
við erfiðar aðstæður. Vonandi sjá eigendur ljósið í því
að nýta starfskrafta hennar sem lengst og byggja upp
starfsemina í kringum hana.
stofnun frétta
Aðdragandann að stofnun Frétta má rekja til Guðlaugs
Sigurðsonar prentara sem árið 1972 fékk Arnar Sigur-
mundsson, Andra Hrólfsson og Sigurð Jónsson í lið
með sér til að koma á fót prentsmiðju, Eyjaprent hf.
sem starfaði áratugi við hlið Eyrúnar sem á sér sögu
allt frá 1944. Svo kom gosið 1973 en í október það ár
hófst starfsemi Eyjaprents og fyrsta tölublað Frétta leit
dagsins ljós 28. júní árið 1974 og var fríblað. Ritstjóri
var Guðlaugur Sigurðsson og gegndi þeirri stöðu þar
til hann fluttist frá Eyjum og Gísli Valtýsson tók við
árið 1982. Þá var blaðið stækkað í átta til tólf síður eftir
atvikum og rauður varð einkennislitur Frétta. Tímamót
verða í rekstrinum árið 1992 þegar farið að selja blaðið
í áskrift. Það ár tók Ómar Garðarsson við sem ritstjóri.
Ritstjórarar Frétta og Eyjafrétta:
Guðlaugur Sigurðsson, Gísli Valtýsson, Ómar Garðars-
son, Júlíus G. Ingason og Sara Sjöfn Grettisdóttir.

Stjórnarformenn:
Sigurður Jónsson, Arnar Sigurmundsson, Jón Árni
Ólafsson og loks Guðmundur Ásgeirsson sem var kjör-
inn formaður á aðalfundi félagsins fyrr á þessu ári.
Fundur á ritstjórn Frétta. Sigurgeir Jónsson,
Sigmundur Andrésson, Gísli Valtýsson, Grímur
Gíslason, Ómar Garðarsson og Þorsteinn
Gunnarsson.