Fréttir - Eyjafréttir - júl. 2019, Blaðsíða 67

67
margt gott gert og allt án þess
að tekin væri króna að láni
Hvað fannst þér takast best á þeim árum
sem þú varst framkvæmastjóri stjórnsýslu- og
fjármálasviðs? Að okkur skyldi takast að snúa
rekstri sveitarfélagsins úr því að vera á meðal verst
reknu sveitarfélaga landsins, með gríðarlegan ár-
legan rekstrarhalla, yfir í hóp þeirra best reknu.
Þetta var ánægjulegur viðsnúningur, sem fékkst
með miklu aðhaldi og útsjónasemi allra þeirra sem
að rekstrinum komu. Í framhaldinu stuðluðum
við að mikilli uppbyggingu, vel heppnuðum fram-
kvæmdum og stórum fjárfestingum. Sem dæmi
má nefna Eldheima, nýafstaðnar framkvæmdir við
Fiskiðjuna, bygging knattspyrnuhússins og glæsi-
legt útivistarsvæði við sundlaugina. Endurbætur
við skólahúsnæði, bætt leiksskólaaðstaða, stækkun
á Hraunbúðum og ný aðstaða fyrir eldri borgara í
Kviku. Þetta er ekki tæmandi listi, heldur aðeins
það sem fyrst kemur upp í hugann. Það var fjöl-
margt gott gert á þessum árum og allt án þess að
tekin væri króna að láni.
Okkur tókst að komast í gegnum efnahagshrunið
án áfalla þannig að bæjarsjóður er enn vel í stakk
búinn til að standa undir áframhaldandi fram-
kvæmdum og góðu þjónustustigi Eyjamönnum til
heilla.
þakklæti fyrir það sem vel var gert
„Í þessu starfi hef ég kynnst mörgu góðu fólki,
sem ég hef átt góð samskipti við og lært mikið af,
bæði samstarfsfólki, bæjarfulltrúum sem og bæj-
arbúum. Ég átti líka einstaklega gott samstarf við
aðra stjórnendur sveitarfélagsins. Samvinna okkar
í framkvæmdastjórateymi bæjarins var mjög góð,
við vorum ekki alltaf sammála og það var stundum
tekist á um hlutina, en það var líka mjög stutt í glens
og grín hjá okkur.
Ég reyndi ávallt að vera lausnamiðuð í mínu starfi,
mér var mikið í mun að allir fengju úrlausn sinna
mála. Það sem var mest gefandi í starfinu er þakk-
lætið fyrir það sem vel var gert,“ sagði Rut að lokum.
2010
Landeyjahöfn tekin í notkun 20. júlí 2010. Nýtt útisvæði við Íþróttamiðstöð Vestmannaeyja.