Fréttir - Eyjafréttir - júl. 2019, Page 71

71
verið virk í félagsstörfum í mörg ár og eins og flestir
vita tók ég virkan þátt í starfi Sjálfstæðisflokksins og
sat þar í stjórnum og nefndum. Einnig tók ég þátt í
prófkjöri Sjálfstæðisflokksins fyrir alþingiskosning-
arnar 2009; bauð mig fram í fjórða sætið og náði því.
Ég var varaþingmaður það kjörtímabil og sat talsvert á
þingi og öðlaðist þar dýrmæta reynslu,“ sagði Íris.
engir tveir dagar eru eins
Aðspurð um fyrsta árið í nýju starfi
og hvort það væri eitthvað sem hefði
komið á óvart sagði Íris að þessi
ótrúlega fjölbreytni í verkefnunum
hefði komið hvað mest á óvart.
„Hver einasti dagur hefur í för með
sér úrlausnarefni sem ekki er hægt
að sjá fyrir. Innan sama dags geta
rúmast spurningar um hvar eigi að
staðsetja tilteknar ruslatunnur eða
hvort bæjarstjórinn geti hjálpað til
við að útvega herflutningaflugvél
til að flytja hvali. Þessi fjölbreytni
gerir starfið auðvitað ótrúlega
skemmtilegt, hverjum degi fylgja
nýjar áskoranir og engir tveir dagar
eru eins. Það hefur reyndar líka
komið mér talsvert á óvart hvernig
pólitíkin getur haft áhrif á fólk langt
út fyrir hið eiginlega pólitíska starf,“
sagði Íris.

þurfum að laða
til okkar barnafólk
Við horfum til framtíðar og er Íris
bjartsýn á framtíð Vestmannaeyja.
„Við erum að þróast í átt að fjölbreytilegra samfélagi
með fjölbreytilegra atvinnulífi. Auðvitað munum
við um fyrirsjáanlega framtíð áfram byggja fyrst og
fremst á sjávarútvegi og hliðargreinum hans, en ferða-
þjónustan er að koma mjög sterk inn og mörg jákvæð
teikn á lofti þar. Hún mun svo auðvitað enn styrkjast
með bættum samgöngum. En við þurfum að laða til
okkar barnafólk. Í Eyjum er frábært að ala upp börn.
Gott framboð af rýmum bæði hjá dagmömmum og
leikskólum fyrir börn allt frá 12 mánaða aldri og frá-
bær aðstaða til íþróttaiðkunar og afþreyingar af ýmsu
tagi. Svo ég tali nú ekki um að það bætast tveir klukku-
tímar við sólahringinn ef þú býrð í Eyjum samanborið
við höfuðborgarsvæðið því allar vegalengdir eru svo
stuttar. Verð á húsnæði er líka mjög sanngjarnt í öll-
um samanburði,“ sagði Íris.
veltur allt á okkur sjálfum
Þannig að framtíðin er björt? „Hún er mjög björt og
felst fyrst og fremst í því fólki sem hér býr. Við búum
hér í öflugu samfélagi með þróttmiklum atvinnufyrir-
tækjum. Sjávarútvegsfyrirtækin okkar eru ekki bara
í fremstu röð á Íslandi heldur líka á heimsvísu. Við
eigum líka gríðarlega mörg tækifæri ónýtt í ferðaþjón-
ustu. En þetta veltur allt á okkur sjálfum, fólkinu sem
hér býr. Við eigum mikið undir því að vinna saman
og eigum að temja okkur að leysa hversdagsleg ágrein-
ingsmál án þess að gera þau persónuleg,“ sagði Íris.

gera eyjar að enn betra samfélagi fyrir alla
Nú er ár búið af þessu kjörtímabili, hvernig lýst þér
á næstu þrjú? „Þau leggjast mjög vel í mig enda alltaf
haft gaman af því að takast á við nýjar áskoranir. Það
skipir máli að við Eyjamenn stöndum saman um hags-
munamál okkar; bæði þau sem eru á okkar eigin hendi
en ekki síður þau sem felast í hagsmunagæslu gagn-
vart ríkisvaldinu. Þar á ég auðvitað fyrst og fremst við
samgöngur, heilbrigðisþjónustu og skólamál.
Markmiðið er einfalt og skýrt: Að gera Eyjar að enn
betra samfélagi fyrir alla bæjarbúa og horfa til fram-
tíðar,“ sagði Íris að endingu.
Íris Róbertsdóttir tók við sem bæjarstjóri í júní 2018 og á þessu
rúma ári hefur ýmislegt gengið á og verkefnin mörg.