Tímarit hjúkrunarfræðinga - 2016, Side 41

Félagið19/22
Í þennan rýnihóp völdust hæfir hjúkrunarfræðingar sem skiluðu
til baka mjög góðum tillögum sem gögnuðust afar vel í lokavinnu
siðareglna. Með þessum hætti teljum við í siðaráði að tekist hafi að fá
fleiri sjónarmið að vinnunni sem við trúum að á endanum hafi skilað
okkur betri og vandaðri siðareglum.
Drög að lokaskjali var tilbúið snemma á vormánuðum 2015 og var
það sent í prófarkarlestur, þar fékk skjalið sérstakan „spariyfirlestur“
og niðurstaðan varð faglegt
og hagnýtt skjal með fallegum
texta. Nýjar siðareglur FÍH voru
svo lagðar fyrir aðalfund 18. maí
2015 og samþykktar einróma.
Nú kann einhver að hugsa
að eitthvað hafi þessar nýju
siða reglur verið illa kynntar.
Kynning á siðareglum þótti
okkur ekki beinlínis vera for-
gangsverkefni enda hafa mörg
önnur og brýnni verkefni verið
í brennidepli félagsins síðan
vorið 2015. Þau þekkja allir og þarf ekki að telja upp. Siðareglurnar
hafa verið aðgengilegar á vefsvæði FÍH síðan í maí 2015 og nú á
vormánuðum er stefnt að því að skipta út siðareglum sem hanga víða
innrammaðar á veggjum heilbrigðisstofnana um land allt. Fleira hefur
okkur dottið í hug og er það meðal annars að útbúa „stuttu útgáfuna“
af siðareglunum, en þetta á eftir að útfæra betur. Og svo horfum við
líka til þess að hafa siðareglurnar aðgengilegar fyrir félagsmenn í
„appi“.
Siðaráð 2013-2015, sem vann siðareglurnar, eru eftirfarandi
hjúkrunarfræðingar: Aðalheiður Dagmar Matthíasdóttir formaður,
Birna Óskarsdóttir ritari, Arnrún Halla Arnórsdóttir, Ragnheiður
Alfreðsdóttir, Lovísa Baldursdóttir, Linda Þórisdóttir og Guðbjörg
Hulda Einarsdóttir.
Það er von okkar að hjúkrunarfræðingar verði eins stoltir og við
erum af nýjum siðareglum Félags íslenskra hjúkrunarfræðinga.
Siðareglurnar hafa verið
aðgengilegar á vefsvæði
FÍH síðan í maí 2015 og nú
á vormánuðum er stefnt að
því að skipta út siðareglum
sem hanga víða innrammað-
ar á veggjum heilbrigðis-
stofnana um land allt.