Tímarit hjúkrunarfræðinga - 2016, Qupperneq 46

Fagið 02/08
KYNNING Á KLÍNÍSKUM
LEIÐBEININGUM UM
GREININGU, FORVARNIR
OG MEÐFERÐ VIÐ ÓRÁÐI
Steinunn Arna Þorsteinsdóttir, Elfa Þöll Grétarsdóttir, Hlíf
Guðmundsdóttir og Sólborg Þóra Ingjaldsdóttir
Í maÍ 2015 gaf Landspítali út klínískar leiðbeiningar um greiningu,
forvarnir og meðferð við óráði (delirium). Þverfaglegur hópur
fagfólks á Landspítala vann að gerð þessara leiðbeininga sem byggja
á leiðbeiningum NICE (National Institute for Health and Clinical
Exellence) (NICE, 2010). Leiðbeiningarnar eru ætlaðar heilbrigðis-
starfsfólki á sjúkrastofnunum og þær lýsa leiðum til að fyrirbyggja,
greina og meðhöndla óráð. Sérstök áhersla er lögð á fyrirbyggingu
óráðs með íhlutun án lyfja. Leiðbeiningarnar ná ekki til barna yngri
en 18 ára, sjúklinga í lífslokameðferð eða þeirra sem eru í fráhvarfi
vegna áfengis eða vímuefna. Þær eru aðgengilegar á vef Landspítala.