Gríma - 24.10.1932, Blaðsíða 16

14
ÞÁTTUR AF JÓHANNESI STERKA
hann þá ekki leggja af stað aftur og varð ekki af
utanförinni. Eftir það bjó hann á Skáldstöðum í
mörg ár. Var hann talinn hraustmenni hið mesta.
Hagyrðingur var hann góður, en flest mun nú týnt,
er hann orti. — Eitt sinn féll skriða á túnið nálægt
bænum á Skáldstöðum ; þá gerði Jóhann vísu þessa:
Á Skáldstöðum væri skemmtilegt að búa,
ef þar væri ekki hætt
öllu, sem að lífs er fætt.
Eitt vor kom hann prestlambi í rekstur til sókn-
arprests síns á eldadegi; skrifaði hann vísu þessa á
spjald, sem hann festi á milli horna gemlingsins:
Á Skáldstöðum eg hef dvalið
alla þessa vetrartíð;
mig hefur Jóhann illa alið.
úti er loksins þetta stríð.
2. Frá Jóhannesi sterka.
Dóttir Jóhanns á Skáldstöðum hét Helga. Hún
giftist manni þeim, er Jóhannes hét, Jónsson, Magn-
ússonar, er bjó í Kálfagerði í móðuharðindunum.
Sonur þeirra, Jóhannes, sem kallaður var hinn sterki,
var fæddur á Möðruvöllum í Eyjafirði 16. nóv. 1834.
ólst hann upp með foreldrum sínum, þar til er faðir
hans lézt, en Helga móðir hans giftist eftir það
Sveini Jónssyni og bjuggu þau síðar í Hvassafelli.
Mun Jóhannes hafa verið hjá þeim fram á fullorð-
insár, því að þar var hann talinn til heimilis, þegar
hann kvæntist konu sinni, Kristínu Benjamínsdótt-
ur, haustið 1868. Skömmu síðar mun hann hafa
byrjað búskap á DVergsstöðum í Grundarsókn, en
fluttist þaðan að Stekkjarflötum í Saurbæjarhreppi
á árunum 1874—80. Bjó hann þar til ársins 1892. Þá