Gríma - 01.09.1943, Blaðsíða 5

1.
Sagnir um séra Magnús á Tjörn.
[Afrit af handrili í 12 bl. broti, skrifuðu að Garðshorni (eflaust í
Svarfaðardal) 6. ínarz 1884, af J. B., og tel eg óefað, að ritarinn sé
Jónas Benjamínsson barnakennari í Svarfaðardal, sem síðar varð
holdsveikur og dó inni í Kræklingahlíð. Er góð rithönd á kverinu og
réttritun sæmileg. Titilblað virðist vanta framan af handritinu, og
hef eg sett ofanskráða fyrirsögn. — Fruinrit Jónasar er nú í eigu Gísla
Sigurðssonar bókavarðar á Siglufirði og fannst í bréfadrasli eftir
móður hans, Margrétu Baldvinsdóttur, sem lézt í vetur. Jónas Benja-
mínsson er mér sagt að hafi verið greindur maður og fróður vel. Er
því líklegt, að hann hafi safnað og skrásett sagnir þessar eftir munn-
mælum í Svarfaðardal, þótt hins vegar geti verið, að hann hafi aðeins
afritað þær, og ef svo væri, er ekki ólíklegt, að Þorsteinn á Hvarfi eða
Þorsteinn á Upsum hefði safnað þeim, enda hefur sá fyrrnefndi
safnað nokkrum sögnum um séra Magnús, og eru sumar þeirra prent-
aðar (sjá t. d. Þjóðs. Ól. Dav. og Grímu). Einnig safnaði Þorsteinn
allmiklu af kveðskap séra Magnúsar, og er sumt af því prentað, t. d.
Grundarvísurnar í Blöndu, og eitthvað af kveðskap hans er í Huld I.
Nafnið Jónas Benjamínsson stendur skrifað með annarri og lakari
rithönd aftan á handritinu.
Jónas var kvæntur Karítas Hansdóttur Baldvinssonar prests á Ups-
um, og er sonur þeirra, Kristinn, á lífi 1943, á Dalvík.
Mér gekk illa að fá upplýst, hvers rithönd væri á sögnum þessum.
I.oks hugkvæmdist mér að sýna handritið Friðleifi Jóhannssyni útgrm.
á Siglufirði, sem er Svarfdælingur, og þekkti hann rithöndina þegar
og sagði mér um leið, að Jónas hefði verið fyrsti skriftarkennari sinn,
enda svipar rithönd Friðleifs talsvert til rithandarinnar á kverinu.
Friðleifur segir mér, að Jónas hafi skrifað upp talsvert af liku tagi og
1*