Fréttabréf Öryrkjabandalags Íslands - 01.09.1998, Blaðsíða 9

í stað þess að samþykkja þá tillögu
sem fyrir lægi kvaðst ráðherra telja
heppilegast að nota sumarið, gefa sér
tíma til hausts, til að vinna málið
betur.
Um hinar misvísandi tölur ráð-
herra, um ýmist kostnað eða
sparnað af breyttu fyrirkomulagi,
sagði Asta R. Jóhannesdóttir að
erfitt væri að reikna þetta út “vegna
þess að við höfum ekki tölur um á
hversu mörgum er brotið. Það er fjöldi
fólks sem býr hvort í sínu lagi vegna
þess að þessi regla viðgengst, og getur
ekki verið í sambúð, fjölskyldur eru
tvístraðar. Þessi regla hefur varanleg
áhrif á samskipti fólks í fjölskyldum.
Það er ekki hægt að reikna það ná-
kvæmlega út hvað það kostar að leið-
rétta þetta, hvorki fyrir hæstvirtan ráð-
herra né mig.”
Vangaveltur ráðherrans um fjár-
upphæðir í þessu sambandi, kostnað
eða sparnað, kölluðu fram hörð við-
brögð Ogmundar Jónassonar sem
minnti á að hér væri væri verið að tala
um fyrirkomulag sem færði tekjur
einstaklings úr rúmum 63 þúsund
krónum niður í 15 þúsund á mánuði
og gerði viðkomandi algerlega háðan
maka sínum. “Og þótt það kostaði
þúsund milljónir,” sagði hann. “Þótt
það kostaði tvöþúsund milljónir, bæri
að laga þetta. Við eigum ekki að una
mannréttindabrotum og það ber að
laga þetta þegar í stað.”
Umræðan hélt áfram nokkra hríð
og kom þá glöggt fram sú
skoðun heilbrigðisráðherra að hún
teldi ekki óeðlilegt að tekjur maka
skertu tekjutryggingu öryrkja. I um-
ræðunum fyrr um kvöldið hafði Mar-
grét Frímannsdóttir vitnað í samantekt
þar sem því er haldið fram að í nefnd-
aráliti höfunda almannatrygginga-
laganna komi ótvírætt fram að með
löggjöfinni skuli vera um hreina per-
sónutryggingu að ræða. Heilbrigðis-
ráðherra, Ingibjörg Pálmadóttir,
reyndist á nokkuð öðru máli um þetta,
því undir lok umræðunnar setti hún
fram svofellda skilgreiningu á þeirri
hugsjón sem hún kvað liggja til
grundvallar almannatryggingum:
“Varðandi það á hverju almanna-
tryggingahugsjónin er byggð, þá er
hún byggð á sameiginlegri fram-
færsluskyldu hjóna.”
Varðandi helstu rök ráðherra í
framangreindum umræðum er nauð-
synlegt að þrennt komi skýrt fram. I
fyrsta lagi er lagagrundvöllur ekki sá
sami og hann var fyrir 25 árum. I öðru
lagi er ekki um “hjónalífeyri” að ræða.
I þriðja lagi á gagnkvæm framfærslu-
skylda hjóna ekki við í þessu máli,
þótt ekki væri nema af þeirri einföldu
ástæðu að slík lagaskylda gildir alls
ekki um sambúðarfólk, en í reglugerð
sinni gerir ráðherra engan greinarmun
á hjónum og sambúðarfólki.
G.Sv.
Nokkur
kjarnakorn
Það er lélegur gleðskapur þar sem
ekkert brotnar, sagði konan. Maður-
inn hennar hálsbrotnaði.
Eg hef hugsað of mikið og gert of lítið.
Frá þessari stundu er því snúið við.
í silfurbrúðkaupi í Danmörku:
Karlmaður segir:
Af hverju eru menn að gifta sig þegar
páfagaukar fást fyrir fimmtíu krónur.
Elskuleg kvenrödd segir:
Það er sök sér þó konur vilji giftast.
Asni kostar mörg þúsund.
Ur einkamálaauglýsingum:
Eg er ekkja í stóru, tvíbreiðu rúmi.
Það finnst mér léleg nýting.
Hjálp! Ódrukkinn þori ég ekki að
nálgast kvenmann. Drukkinn get ég
það ekki.
Frúin segir við bónda sinn:
Ekki batnar það. Hefurðu nú tekið
svo ósiðlegar myndir að ekki er hægt
að framkalla þær nema í myrkri?
Hjónin eru á heimleið úrboði. Konan
talar um að gestgjafinn hafi verið
ósköp leiðinlegur en maður hennar
reynir að afsaka það og segir:
Það hefur legið eitthvað illa á honum
íkvöld. Þettageturalltaf komiðfyrir.
Mér er sama, segir frúin. Kurteisir
menn láta það bitna á konunum sín-
um.
Frá Asgerði fengið.
Trúnaðarmenn
Blindrafélagsins
Avordögum, rétt eftir að fréttabréfið fór í prentun kom til okkar
tilkynning frá Blindrafélaginu um trúnaðarmenn félagsins. Þessir
trúnaðarmenn eru blindir og sjónskertir aðalfélagar sem ráðnir eru
sérstaklega til að veita öðrum blindum, sjónskertum og aðstandendum
þeirra ráðgjöf og stuðning.
Tilvísendur eru Sjónstöð íslands og augnlæknar allra helst.
í frétt frá félaginu segir að engir séu hæfari til leiðbeinendastarfa og
þrír aðalfélagar hófu störf l.júní: Arnheiður Björnsdóttir, Ragnar R.
Magnússon og Sigrún Jóhannsdóttir.
Hlutverk trúnaðarmanna eru m.a. að veita andlegan stuðning, veita
almennar upplýsingar um réttindi og þjónustu, vera vakandi fyrir
nýjungum, hvetja til þátttöku í samfélaginu. Þeir eru bundnir þagn-
arskyldu og þjónustan er þeim sem hana þiggja að kostnaðarlausu. For-
eldrar blindra og sjónskertra barna veita öðrum foreldrum sambærilegan
stuðning sé þess óskað.
Settar hafa verið nákvæmar starfsreglur og búið hefur verið út glöggt
tilvísunareyðublað þar sem beðið skal um trúnaðarmann hjá Blindra-
félaginu.
í framhaldi af frétt þessari hefur ritstjóri í huga að ræða við einn
þessara trúnaðarmanna eftir að reynsla hefur fengist af þessu fyr-
irkomulagi.
En framtakið er firna gott og vísar sannarlega veg fram á við. Megi
farsæld fylgja því og þeim sem þess njóta.
H.S.
FRÉTTABRÉF ÖRYRKJABANDALAGSINS
9