Fréttabréf Öryrkjabandalags Íslands - 01.09.1998, Blaðsíða 30

FERÐ SJÁLFSBJARGAR-
HEIMILISMANNA
Svo sem ljóslega kom
fram í síðasta tölublaði
Fréttabréfsins í viðtali,
fróðlegu mjög, við Tryggva
Friðjónsson framkvæmda-
stjóra Sjálfsbjargarheim-
ilisins þá varð það ágæta
heimili 25 ára í júlíbyrjun
sl.
Þar var frá því greint að
ferðalag mikið stæði fyrir
dyrum til Danaveldis og
því heitið að frá því yrði
síðar sagt.
A afmælisdeginum
sjálfum 7. júlí var haldin
smáathöfn á heimilinu þar
sem sérstakir gestir fengu
viðurkenningu þ.e. þeir
heimilismenn og starfsfólk
sem verið hafði 20 ár eða
lengur á heimilinu eða
starfað við það. Þar af var
Jónína Bjarnadóttir búin að
dvelja á heimilinu frá
upphafi og Erla Sandholt
hárgreiðslumeistari, Kristj-
án Hjaltested matreiðslu-
maður og Þórdís Davíðs-
dóttir sjúkraliði sem starfs-
menn frá upphafi. Aðrir
sem aldarfimmtungi höfðu
náð af íbúum voru:
Ásgerður Þórarinsdóttir,
Finnur Kári Sigurðsson og
María Skagan. Af starfs-
fólki þau Lára Jóhanns-
dóttir starfsmaður, Sigríður
Ágústsdóttir sjúkraliði og
Örn Bjarnason læknir.
Tryggvi flutti þarna stutt
ávarp og veitti viðurkenn-
ingarnar og afar góður
málsverður var fram bor-
inn.
n svo beint að ferð-
inni. Ritstjóri fór í
heimsókn einn bjartan
sólskinsdag í júlí og innti
þrjá ferðalanga eftir að-
draganda og nokkrum
ferðapunktum um leið.
Viðmælendur voru
Tryggvi Friðjónsson fram-
kvæmdastjóri og heimilis-
fólkið Guðný Alda Ein-
arsdóttir og Hildimundur
Sæmundsson. Tryggvi gat
þess fyrst að á vegum heim-
ilisins væri starfandi sam-
ráðsnefnd um heimilishagi
ýmiss konar, væri umsagn-
ar- og tillöguaðili um það
sem betur mætti fara,
nefndi sem dæmi um beint
verkefni sem væru svo-
kallaðir fegrunardagar
heimilisins sem hefðu afar
vel til tekist. Þarna eru
heimilismenn sem starfs-
fólk á jafnréttisgrundvelli,
þetta væri 7 manna nefnd
og þar af 3 fulltrúar íbúa.
Hinir viðmælendur ritstjóra
voru einmitt úr þessari
samráðsnefnd svo og
Tryggvi auðvitað einnig.
Tryggvi sagði nefndina
hafa átt stóran þátt í öllum
undirbúningi og skipu-
lagningu þessarar ferðar.
Heimilismenn slepptu
árshátíð í vetur og víða var
svo leitað fanga um styrki
m.a. hjá Öryrkjabanda-
laginu sem styrkti ferðina
sérstaklega um 125 þús.kr.
sem sannarlega var gott
gleðiefni hér á bæ.
Af um 40 íbúum heim-
ilisins fóru 26 í ferð-
ina og má það kallast
einstaklega góð þátttaka
miðað við aðstæður allar.
Annar eins hópur starfs-
manna fór enda brýn nauð-
syn, nánast allir sem tengi-
liðir þ.e. hver íbúi átti
aðgang að sínum tengilið í
förinni einkum hvað snerti
persónulega hagi og mál-
efni. Síðan fóru nokkrir
aðrir í ferðina s.s húsvörð-
ur, bifreiðastjórinn Stein-
dór, hjúkrunarfræðingar og
hluti stjórnar Sjálfsbjarg-
arheimilisins. Alls voru í
ferðalaginu 69 þ.á m. sér-
stakir hirðljósmyndarar
sem voru Árni Salómons-
son og Jón Tryggvason.
Nú ferðin var svo farin
11. júlí eða í raun var kom-
inn 12. þegar í loftið var
farið og landið kvatt. Ferð-
inni var heitið til Jótlands í
Danaveldi, en dvalið var í
Egmont hpjskolen og
sumarhúsum þar í kring.
Egmont er sérstaklega
ákjósanlegur staður fyrir
fatlað fólk að dvelja á, um-
hverfið er fagurt og frið-
sælt. Væri sannarlega
ástæða til þess síðar meir að
segja frá Egmont höjskolen
og starfseminni þar, en það
verður að bíða betri tíma.
Þaðan var svo farið í fjöl-
breyttar skoðunarferðir og
á fimmtudeginum ló.júlí
var afmælishátíð mikil
haldin.
n gefum nú Hildi-
mundi Sæmundssyni
orðið: Þetta var alveg
himnesk ferð, vel skipu-
lögð og mjög vel heppnuð,
mér þótti a.m.k. mjög gam-
an og naut ferðarinnar afar
vel.
Við fengum náttúrulega
íslenskt veður enda var víst
ekki hægt að skipuleggja
það fyrirfram, en í heild var
það skaplegt og hvfldardag-
urinn okkar eða frjálsi dag-
urinn eini rigningardag-
urinn. Til útlanda hefi ég
aðeins einu sinni farið og þá
til Júgóslavíu, en þar mun
nú allt hafa verið sprengt í
loft upp. Ferðaáætlun
stóðst fyllilega og Tryggvi
ásamt öllum hinum fær
mikið hrós fyrir ferðalagið
og hann sér í lagi fyrir
frábæra fararstjórn.
Mér þótti heimsóknin í
Legoland bera af öðru, sá
undraheimur vakti furðu
mína, hvað hægt er að gera
úr þessum litlu kubbum,
aðgengi tiltölulega gott og
garðurinn í heild snyrti-
legur og mjög fallegur.
Hafnarhátíðin í Hou var
líka mjög skemmtileg og
gaman var að sækja Árósa
heim. Viðureignin við
snobrödet er mér minnis-
stæð, bálstæði er við
ströndina og þar tendrað
bál, síðan er deigi vafið
framan á prik og bakað svo
yfir eldinum og er býsna
bragðgott. Gistiaðstaðan í
Egmont var afar góð, að-
gengi til fyrirmyndar, mað-
ur var þarna svo frjáls og
óhindraður. Þarna var nóg-
ur og góður matur en þó
þótti mér nú dönsku ost-
arnir fullsterkir á bragðið.
En sem sagt himnesk ferð.
á var komið að
Guðnýju Öldu Einars-
dóttur og henni gefið orðið:
30