Fréttabréf Öryrkjabandalags Íslands - 01.09.1998, Blaðsíða 46

Helgi Hróðmarsson, fulltrúi:
Sumarnámskeið í samstarfi við
Þroskahjálp og Öryrkjabandalag
Hér að neðan verður fjallað
um sumarnámskeið sem
starfrækt hafa verið und-
anfarin sumur í samstarfi við Lands-
samtökin Þroskahjálp og Öryrkja-
bandalag íslands.
REIÐNÁMSKEIÐ AÐ
REYKJALUNDI
Undanfarin sumur hefur verið
boðið upp á reiðnámskeið við
Reykjalund í
Mosfellsbæ.
Námskeiðin eru
hugsuð fyrir þá
sem þurfa á sér-
stakri aðstoð að
halda. Fram-
kvæmdastjóri
námskeiðanna í
sumar var Berg-
lind Árnadóttir
íþróttakennari. Á reiðnámskeiðunum
er farið í stutta reiðtúra auk þess sem
undirstöðuatriði varðandi reið-
mennsku og meðferð hestsins eru
kennd. Þátttakendur kynnast hreyf-
ingum hestsins, viðbrögðum hans og
hvernig bera skuli sig að við stjórnun
hestsins. Farið er ítarlega í alla hluti
sem snerta hestamennsku, svo sem
ásetu, taumhald, gangtegundir og
einkenni hestsins. Þá eru gerðar bæði
verklegar og bóklegar æfingar. Að
sögn leiðbeinendanna má nota reið-
aðferð til þess að þjálfa skert jafnvægi,
viðbrögð, samhæfingu og styrk
vöðva, þannig að bæði er um líkam-
lega og andlega örvun að ræða. Þátt-
taka á námskeiðunum hefur aukist
mjög undanfarin ár. í sumar sóttu
námskeiðin um 230 þátttakendur.
Þeir komu frá eftirfarandi heimilum
og stofnunum: Reykjalundi, Tjalda-
nesi, Skálatúni, Fannafold, Reykjadal,
Trönuhólum, Holtavegi, MS- félag-
inu, Lækjarási, Sæbraut, Lyngási og
Sjálfsbjörg dagvistun. Auk þess sótti
námskeiðin fjöldi einstaklinga “utan
úr bæ” á eigin vegum.
Hér er um að ræða mikilvæga og
sívaxandi starfsemi sem, allt í
senn, má flokka undir tómstundir,
þjálfun og endurhæfingu. Enda hafa
á hverju hausti, þegar líða tekur að
lokum námskeiðanna, komið spurn-
ingar frá þátttakendum um hvort ekki
verði boðið upp á námskeið einnig
yfir vetrartímann. Af þeim sökum
hafa fulltrúar Öryrkjabandalags og
Þroskahjálpar hvatt til þess að borg-
aryfirvöld stæðu að sams konar nám-
skeiðum yfir vetrartímann. Fulltrúar
samtakanna auk framkvæmdastjóra
námskeiðanna fóru t.d. á fund fulltrúa
íþrótta- og tómstundaráðs Reykjavík-
urborgar þar sem látið var reyna á
þetta. Það varð úr að haustið 1993
voru sett af stað reiðnámskeið fyrir
fatlað fólk í Reiðhöllinni á vegum
Reykjavíkurborgar. Þátttaka fólks af
öllum aldri fór fram úr björtustu von-
um. Fjárskortur olli því hins vegar
að ekki varð áframhald á þessum vetr-
amámskeiðum. Samtökin sendu bréf
til Reykjavíkurborgar haustið 1994,
þar sem farið var fram á aðstöðu fyrir
reiðnámskeið fatlaðra í Reiðhöllinni
um veturinn. Undirritaður fór á fund
borgarstjóra, forseta borgarstjómar og
formanns félagsmálaráðs til þess að
tala fyrir þessu máli. Það varð úr að
námskeiðin voru haldin aftur í nokkra
mánuði haustið 1995. Fullástæðaer
til að benda á mikla þörf sem sannar-
lega er fyrir ofangreind námskeið ekki
síður yfir vetrartímann.
Við hjá hagsmunasamtökum fatl-
aðra höfum undanfarin ár séð að nám-
skeiðin hafa veitt ómælda ánægju og
gleði sem vert er að gera allt til að
viðhalda. Eins og í svo mörgum mál-
um snýst þetta um peninga og póli-
tíska forgangsröðun þeirra. Undirrit-
aður getur fullyrt, af reynslu undan-
farinna ára, að fjárveitingu til reið-
námskeiða fyrir fatlað fólk er vel
varið.
SKÁTANÁMSKEIÐ
Undanfarin sumur hefur verið
starfræktur Utilífsskóli af skátafél-
aginu Skjöldungum í samstarfi við
samtök fatlaðra, Bandalag íslenskra
skáta og Skátasamband Reykjavíkur.
Markmið með rekstri Utilífsskólans,
sem sniðinn er að þörfum þeirra sem
þurfa sérstaka aðstoð, er að bjóða upp
á starfsemi sem gerir þátttakendur
hæfari til að takast á við daglegt líf.
Fötluð jafnt sem ófötluð börn njóta
dagskrárinnar þar sem leitast er við
að sinna einstaklingnum á sem bestan
hátt. I grófum dráttum má segja að
tilgangurinn með starfi Utilífsskólans
sé sá sami og tilgangur skátastarfsins
þar sem markmið skátahreyfingar-
innar eru höfð að leiðarljósi. Leitast
er við að hafa dagskrá námskeiðanna
uppbyggilega, fjölbreytta og spenn-
andi. Hver dagur hefur ákveðið þema
þar sem þátttakendur öðlast reynslu
og spreyta sig á ýmsum verkefnum
tengdum útilífi og skátaleikjum.
Lokaáfangi hvers námskeiðs er úti-
lega þar sem gist er í tjöldum eða
skála. Á námskeiðunum er stuðst við
hópefli til þess að styrkja hvern ein-
stakling, jafnframt sem leitast er við
að byggja hópinn upp með getu og
þroska einstaklinganna í huga. Útilíf
og útilífstengd viðfangsefni eru
þungamiðja dagskrárinnar. Þátt-
takendur fá þannig tækifæri til að taka
þátt í útilífi þar sem hin ýmsu þemu
tengd náttúrunni, landinu, sögu þess
og samfélagi eru notuð.
tarfsmenn Útilífsskólans hafa
mikla reynslu af skátastarfi og
starfi með fötluðu fólki. I því sam-
bandi má t.d. benda á að Útilífsskólinn
sendi einn leiðbeinenda á táknmáls-
námskeið. Þátttaka á námskeiðin
hefur minnkað nokkuð milli ára.
Hluti skýringar á því má væntanlega
rekja til þess að Reykjavíkurborg
(ÍTR) hefur aukið þjónustu sína á
þessu sviði og býður nú upp á mun
fleiri kosti fyrir fötluð börn heldur en
var þegar skátamir fóru af stað með
Útilífsskólann í samstarfi við samtök
fatlaðra fyrir u.þ.b. 8 árum.
Helgi Hróðmarsson
46