Fréttabréf Öryrkjabandalags Íslands - 01.09.1998, Blaðsíða 38

Kynning framkvæmdastjóra
aðildarfélaganna
að hefur verið venja hér í
Fréttabréfi okkar að kynna
nýja framkvæmdastjóra
félaga okkar, ekki af fordild einni
saman af því þetta eru nú “stjórar”
heldur eru það einmitt þeir sem eru í
hinum daglegu störfum hjá félögun-
um og við þá auðveldast að hafa
samband af hálfu annarra félaga eða
félagsmanna þeirra.
Tveir nýir framkvæmdastjórar
skulu hér kynntir. Þetta eru þau Helga
Guðmundsdóttir hjá SPOEX sem
tekur þar við af nöfnu sinni, Helgu
Ingólfsdóttur og Vilmundur Gíslason
hjá Styrktarfélagi lamaðra og fatlaðra
sem tekur við af Sigrúnu Benedikts-
dóttur.
Hjá SPOEX eða Samtökum psor-
iasis- og exemsjúklinga er það
Helga Guðmundsdóttir sem nú stýrir
hinu daglega starfi.
Hún veitti ljúflega nokkrar upplýs-
ingar um sig en Helga tók við af Helgu
hinni um miðjan ágúst sl.
Helga er fædd í Reykjavík, 24. júní
1939. Foreldrar hennar hjónin Laufey
Halldórsdóttir og Guðmundur H.
Oddsson skipstjóri og fjármálastjóri
Sjómannadagsráðs. Hún gekk í
Kvennaskólann í Reykjavík og lauk
þaðan prófi 1955. Hún starfaði svo á
Endurskoðunarskrifstofu N Mancher
& Co í 5 ár og fékk þá m.a. tækifæri
til að fara á 4ra mánaða námskeið í
London í ensku og skrifstofustörfum.
Svo tók hjónabandið við, en Helga var
gift Finnbirni Hjartarsyni prentara og
prentsmiðjueiganda, en hann var
kunnur maður í þjóðlífinu. Finnbjörn
lést árið 1994. Saman eignuðust þau
5 börn. Helga var svo heimavinnandi
húsmóðir í 23 ár en í húsinu hjá þeim
hjónum var prentsmiðjan, þar sem öll
fjölskyldan hjálpaðist að við verkin.
Eftir að þau keyptu svo Hagprent
1981 má segja að Helga hafi verið í
tvöföldu starfi og vel það. Um svipað
leyti var Helga formaður Safnaðar-
félags Áskirkju, var þar í 5 ár á kafi í
tjáröflun m.a. en þá var kirkjubygging
aðalverkefnið. Helga var einnig í
Helga
Guðmundsdóttir
stjórn Bandalags kvenna í Reykjavík
í nokkur ár, varaformaður í 6 ár. Þar
gerðist hún frumkvöðull að stofnun
nefndar - hagsmunanefndar heima-
vinnandi húsmæðra sem leiddi til
stofnunar Landssamtaka heimavinn-
andi fólks sem því miður hafa lognast
út af. Ári eftir lát manns síns hætti
Helga prentsmiðjurekstri og síðustu
tvö ár hefur hún unnið sem ritari á
skrifstofu hjúkrunarforstjóra Land-
spítalans.
Helga segir að sér lítist mjög vel á
starfið og aðstöðu alla. Segist hafa
skynjað vel það dáðríka hugsjónastarf
sem félagið hefur staðið fyrir, enda sé
mikið í gangi. Nefnir sér í lagi hið
fallega og metnaðarfulla fréttabréf
félagsins. Margt sé þó enn ógert og
meðal þess sé það að fá aftur viður-
kenningu fyrir ferðum psoriasissjúkl-
inga til loftslagsmeðferðar - ákveðn-
um stuðningi Tryggingastofnunar
ríkisins til þeirra enda enn í gildi lög
þar um. Ritstjóri þakkar Helgu
fróðlegt viðtal og góðar upplýsingar
og árnar henni sem félaginu allra
heilla í framtíðinni.
á er komið að því að kynna hinn
nýja framkvæmdastjóra Styrkt-
arfélags lamaðra og fatlaðra sem þar
tók til starfa nú l.sept sl. Vilmundur
Gíslason heitir hann og kom beint úr
sveitarstjórastarfi austur á Vopnafirði.
Vilmundur Gíslason er fæddur í
Reykjavík 24. maí 1955 og ólst þar
upp.
Foreldrar hans voru hjónin: Sig-
ríður Stefánsdóttir og Gísli Vilmund-
arson símvirki. Vilmundur fór í Versl-
unarskóla Islands að loknu gagn-
fræðaprófi og lauk verslunar-
skólaprófi 1974.
Hann hóf þá vinnu hjá endurskoð-
anda en fór jafnframt í nám í endur-
skoðun í Viðskiptadeild Háskólans og
lauk því námi.
Hann sinnti síðan störfum endur-
skoðanda í Reykjavík og á ísafirði þar
til hann gerðist fjármálastjóri Tanga
hf. á Vopnafirði 1989. En 1990 var
óskað eftir því við hann af þáv. meiri-
hluta sveitarstjórnar Vopnafjarðar-
hrepps að hann gerðist sveitarstjóri
þar og því starfi gegndi hann þar til
nú 1 .sept. Vilmundur segist hafa
kunnað mjög vel við sig á Vopnafirði
enda verið þar í sveit á surnrin sem
strákur, á Ljótsstöðum.
Vilmundur er kvæntur Sigrúnu
Oddsdóttur íslenskukennara og eiga
þau 2 dætur, 19 og 12 ára. Hann segist
hlakka til að takast á við verkefnin
framundan hjá Styrktarfélaginu, enda
af nógu að taka og félagið með mikil
rekstrarleg umsvif.
Reykjadalsdæmið þætti sér
sérstaklega skemmtilegt við að fást,
en þar væri vetrarstarfið nú að hefjast.
Ásókn í helgarþjónustu þar fer mjög
vaxandi enda þar sem á æfingastöð-
inni mikið afbragðsfólk. Hann vildi
og taka fram að engum væri neitað
um sumarvist í Reykjadal.
Á æfingastöðinni á Háaleitisbraut-
inni væru nú biðlistar í endurhæfingu,
sér í lagi í iðjuþjálfun. Þar benti Vil-
mundur á nauðsyn þess að færa iðju-
þjálfunina meira út á heilsugæslu-
stöðvarnar ef unnt væri.
Vilmundur kvað hins vegar
nauðsynlegt að auka nýtingu hinnar
nýju sundlaugar hjá þeim. En eitt væri
víst, af verkefnum væri nóg.
Við þökkum Vilmundi fróðleikinn
og árnum honum og félaginu alls hins
besta í farsælli framtíð. H.S.
Vilmundur
Gíslason
38