Fréttabréf Öryrkjabandalags Íslands - 01.09.1998, Blaðsíða 21

Hingað berst á borð mikill og
fjölbreyttur fróðleikur af
ýmsu tagi og aðeins tök á
því að greina frá hinu allra helsta.
Ársskýrsla Félagsmálastofnunar
Reykjavíkurborgar fyrir árið 1997
birtist hér á sólarríkum sumardögum
og mála sannast að þar kennir margra
góðra grasa. Ársskýrslan er mikil að
vöxtum og aðeins hér drepið á örfá
atriði og þá þau helst sem hingað
tengjast með einum eða öðrum hætti.
Á óvart kemur ekki hvert umfang
starfseminnar er, hversu umsvif öll
eru mikil, en árið 1997 var hlutfall
F.R. um 19,3% af heildarrekstrar-
útgjöldum Reykjavíkurborgar eða
2378 millj.kr. Þar er fjárhagsaðstoð
fyrirferðarmest eða um 30%, þá
kemur starfsemi í þágu aldraðra 26%,
framkvæmd félagsmála tekur til sín
14%, félagsleg heimaþjónusta 66 ára
og yngri 5% og 5% fara til aðkeyptrar
vistar, húsaleigubætur eru 4% af heild
svo og 4% til heimila fjölskyldudeild-
ar, liðveisla tekur til sín 2% og annað
er svo 10%.
Húsaleigubætur fengu alls 3285
eða samtals 258.5 millj.kr. Þar eru
nemar og fólk í atvinnu langfyrirferð-
armestu hóparnir eða rúm 70%,
öryrkjar eru 428 eða 13% og atvinnu-
lausir fylgja þar fast eftir. Einhleypar
konur eru flestar þeirra sem fá húsa-
leigubætur, þá einhleypir karlar og
síðan einstæðir foreldrar.
Fjárhagsaðstoð var veitt í 3529
málum alls. Atvinnulausir eru
þar með 55%, lífeyrisþegar F.R. eru
með 15,6%, þar af eru öryrkjar með
13,5% eða samtals 476 mál. Vekur
það vissulega athygli miðað við
almenna kjarastöðu öryrkja, en þess
þá um leið getið til skýringar að
tekjuviðmiðun Félagsmálastofnunar
er ofurlág eða rétt rúmar 53 þúsundir
á mánuði.
Þó hlutfall öryrkja sé 13,5% í
málafjölda þá er hlutfall greiddrar
fjárhagsaðstoðar til þeirra mun lægra
eða 7,5%, þar gnæfa atvinnulausir efst
með tæp 64% allrar fjárhagsaðstoðar.
Málafjöldi hverfisskrifstofa sem
taka til hinna margvíslegustu þátta s.s.
félagslegrar ráðgjafar og heimaþjón-
ustu, þjónustu við börn, unglinga og
fatlaða, húsnæðismála að ógleymdri
fjárhagsaðstoðinni, þar eru öryrkjar
alls 814 með 17,5% allra mála en
Úr
ársskýrslu
F.R.
atvinnulausir tróna á toppnum með
nær 2200 í tölu eða um 47%.
Þá er vikið sérstaklega að rnálefn-
um fatlaðra en sérstakri þjónustu við
þá sinna tveir starfsmenn stoðþjón-
ustusviðs.
ar er liðveislan, tvö heimili fyrir
fötluð börn, þ.e. skammtímavist-
heimili fyrir fötluð börn og skamm-
tímaheimili fyrir fötluð börn. 100
börn og ungmenni fengu úthlutað
liðveislu alls 9514 liðveislutímum.
277 fullorðnum varúthlutað liðveislu,
alls 21.909 tímum. Umtalsverð aukn-
ing er þarna milli ára. Stoðþjónustu-
svið F.R. hefur umsjón með 11 vernd-
uðum heimilum í samvinnu við geð-
deildir sjúkrahúsa í Reykjavík. Á
hverju heimili búa 3-6 einstaklingar.
41 íbúi hafði nýtt sér þessa þjónustu.
I skammtímavistun fyrir fötluð
börn að Álfalandi 6 geta 6 fötluð börn
0-12 ára dvalist í einu og þar voru
dvalardagar samtals 2164.
Á skammtímaheimili að Akurgerði
20 geta 3 börn dvalist tímabundið en
auk þess er eitt neyðarpláss. Skamm-
tímavistun er opin allt árið og meðal-
dvalartími barnanna var rúmlega 80
dagar.
í sérkafla um félagslega heima-
þjónustu kemur fram að sú þjónusta
jókst verulega frá árinu áður að því er
tók til fatlaðra, fjölda og þjónustu-
þyngd. I íbúðum Hússjóðs Öryrkja-
bandalagsins var veitt þjónusta í 92
íbúðum, í SEM húsinu í 13 íbúðum
og í Sjálfsbjargarhúsinu í 17 íbúðum.
Þar til viðbótar er svo 144 einstakl-
ingum veitt þjónusta í 57 íbúðum
(íbúðir, sambýli, vernduð heimili) í
samvinnu við Svæðisskrifstofu,
Styrktarfélag vangefinna, Geðhjálp,
geðdeild Landspítalans og Sjúkrahús
Reykjavíkur.
Eins og fram kom hér í upphafi
tekur starfsemi aldraðra til sín
26% útgjalda F.R. eða um 620 millj.
kr.
Þar er víða að verki staðið vel og
eru félagsmiðstöðvarnar og íbúðir
aldraðra þar gleggst dæma um gott
starf og afar fjölbreytt. Um allt það
skal ekki fjölyrt hér en af ágætri árs-
skýrslu og ítarlegri vel má fá marg-
háttaðan fróðleik frekari en hér er rak-
inn.
Ljóst að þar á vettvangi er verka-
fjöld af ýmsu tagi og sannarlega þarf
þar í mörg hom að líta.
Félagsmálastjóri er Lára Björns-
dóttir og núverandi formaður félags-
málaráðs þ.e. frá miðju þessu ári er
Helgi Hjörvar. Bæði hafa bærilega
að málefnum fatlaðra komið og við
hér á bæ vonumst eftir sem allra bestu
samstarfi við þau sem og allt starfs-
fólk F.R.
Góðar óskir um vænan velfarnað
eru héðan færðar.
H.S.
FRÉTTABRÉF ÖRYRKJABANDALAGSINS
21