Víkurfréttir - 16.04.2020, Síða 20

Ígulkerjahrogn
og makrílsneiðar
í sushi Fyrirtækið Royal Iceland í Njarðvík stundar veiðar og vinnslu á tegundum
sem fæstir Íslendinga leggja sér yfirleitt til munns en þykja ómissandi lost-
æti í asíska eldhúsinu. Má þar nefna ígulker og sæbjúgu en líka beitukóng
og makríl. Fyrirtækið er stærsti kaupandi þorskhrogna á landinu. Fyrirtækið
opnaði á síðasta ári sérhæfða verksmiðju í bænum Znin í Póllandi þar sem
framleiddar eru vörur inn á asíska markaðinn í Evrópu.
Lúðvík Börkur Jónsson, fram-
kvæmdastjóri og stjórnarformaður
Royal Iceland, segir starfsemina
hérna heima markast mjög af ver-
tíðum. Hrognavinnsla úr bolfiski
stendur yfir í um þrjá mánuði meðan
á vetrarvertíð stendur. Fyrirtækið er í
föstum viðskiptum við um 40 báta en
kaupir líka hrogn á fiskmörkuðum.
Alls er unnið úr 300–500 tonnum
af hrognum á ári. Mikill hluti þess
fer í hrognamassa sem seldur er að
stórum hluta til kavíarframleiðenda
í Svíþjóð og Noregi, eins og Kalles
og Mills. Framleiðslan er þó mun
fjölbreyttari en svo og skiptist í tíu
vöruflokka og marga undirflokka.
Dæmi um afurðir er mentaiko fyrir
japanskan markað, tarama smurá-
legg fyrir grískan markað, þorsk-
hrognapulsur og reykt þorskhrogn.
Stórir í vinnslu á makríl
Vinnsla á grásleppuhrognum tekur
við af þorskhrognavertíðinni. Royal
Iceland gerir út bát á grásleppu-
veiðar. Fyrirtækið er ennfremur
stór aðili í vinnslu á makríl á Íslandi.
Hráefnið er eingöngu krókamak-
ríll. Fyrirtækið gerir út eigin báta
á þessar veiðar og kaupir hráefni af
öðrum líka. Makríllinn er flakaður
og fluttur út frystur. Hluti af makríl-
vinnslunni fer einnig fram í nýju
verksmiðjunni í Póllandi.
Lífi er haldið í
ígulkerjunum alveg
fram að vinnslu
sem er flókin og
vandasöm en
það er eftir miklu
að slægjast því
ígulkerjahrogn
eru dýrasta
sjávarafurðin sem
seld er frá Íslandi ...
Stjórn Royal Iceland er samtals með um 100 ára
reynslu í fisksölu á erlendum mörkuðum.
F.v.: Kristján Hjaltason, Jón Magnús
Kristjánsson og Lúðvík Börkur Jónsson.
20 // VíKurFrÉttir á SuÐurNESJum í 40 ár
Fimmtudagur 16. apríl 2020 // 16. tbl. // 41. árg.