Víkurfréttir - 16.04.2020, Síða 22

Hvaða spurningu hefðir þú viljað fá að svara í þessu viðtali?
Hver er spurningin og svarið við henni?
– Hvað finnst þér skemmtlegast að gera?
AÐ FARA ÚT AÐ HLAUPA.
Ekkert sjálfsagt
eða sjálfgefið í
þessum heimi
Netspj@ll
– Hvernig varðir þú páskunum?
Heima hjá mér í rólegheitum, ég
hlýði Víði.
– Hvernig páskaegg fékkstu og
hver var málshátturinn?
Það voru nú bara keypt lítil páska-
egg fyrir okkur hjónin bara til að fá
málshátt og málshátturinn minn var:
„Enginn sér við öllum rokum.“
– Hvaða aðferðir ertu að nýta til að
eiga í samskiptum við fólk? Hefð-
bundin símtöl eða myndsímtöl?
Nota FaceTime mikið þessa dagana
að tala við mömmu og pabba, börnin
og barnabörnin Zoom til að hlusta á
fyrirlestra hjá Samtökum iðnaðarins.
– Ef þú fengir bara að hringja eitt
símtal í dag, hver fengi það símtal
og hvers vegna?
Ég myndi hringja í mömmu og
pabba þar sem þessar elskur eru
búnar að vera í sjálfskipaðri sóttkví
í sumarbústað sínum í nærri fjórar
vikur og ég sakna þess að geta ekki
knúsað þau.
– Hvernig ertu að upplifa nýjustu
tíðindi um að það muni jafnvel
taka margar vikur inn í sumarið að
aflétta hömlum vegna COVID-19?
Ég bara veit það ekki, vinnulega séð
finnst mér það frekar erfitt en þetta
er bara verkefni sem við verðum öll
að takast á við saman.
– Hvaða lærdóm getum við dregið
af heimsfaraldrinum?
Að það er bara ekkert sjálfsagt eða
sjálfgefið í þessum heimi.
– Ertu liðtæk í eldhúsinu?
Já, já, svona sæmilega en bóndinn
samt betri en ég.
– Hvað finnst þér virkilega gott
að borða?
Góða steik.
– Hvað var í páskamatinn?
Sko þessu var skipt upp í ár, ég
á þrjú börn, þrjú tengdabörn og
fimm barnabörn þannig að það
var veisla fyrir hverja fjölskyldu
fyrir sig. Smjörsteikt lambalæri og
meðlæti á skírdag fyrir fyrsta holl,
lamba konfekt og meðlæti á föstu-
daginn langa fyrir holl númer tvö
og hægeldað nautakjöt og meðlæti
á páskadag fyrir þriðja hollið.
– Hvað finnst þér skemmtilegast
að elda?
Góðar súpur og heita rétti.
– Hvað var bakað síðast á þínu
heimili?
Hjónabandssæla.
– Ef þú fengir 2000 krónur. Hvað
myndir þú kaupa í matinn?
Harðfisk og smjör.
– Hvað hefur gott gerst í vikunni?
Að fá að eiga samverustund með
börnunum mínum og fjölskyldum
þeirra.
– Hvað hefur vont gerst í vikunni?
Ekkert vont en skrýtið að geta ekki
boðið öllu fólkinu sínu í afmæliskaffi
og spjall.
Jóna Sigurðardóttir starfar á skrifstofu SI raf-
lagna í Garðinum. Hún myndi nota símtal til að
hringja í mömmu og pabba sem hafa verið í sjálf-
skipaðri sóttkví í fjórar vikur.
á timarit.is
ÖLL BLÖÐIN FRÁ 1980 OG TIL DAGSINS Í DAG
22 // VíKurFrÉttir á SuÐurNESJum í 40 ár
Fimmtudagur 16. apríl 2020 // 16. tbl. // 41. árg.