Íþróttablaðið - 01.02.1967, Blaðsíða 79

Islandsmeistarar PH 1966.
Alfreð Þorsteinsson:
HAIMDKIMATTLEIKUR 1966
Handknattleiksárið 1966 var að
ýmsu leyti sérstætt. Aldrei hafa
fleiri landsleikir verið leiknir á
heimavelli, eða 7 talsins, og á úti-
velli lék íslenzka karlalandsliðið 4
leiki. Mótherjar okkar voru ekki af
verri endanum. Margir af snjöllustu
handknattleiksmönnum heims lögðu
leið sína til Reykjavíkur og gáfu
hinum mörgu handknattleiksunn-
endum kost á að sjá leikni sína.
Heimsókn rúmensku heimsmeistar-
anna frá 1961 og 1964 var t.d. merk-
ur atburður. Og mjög kom á óvart,
hve íslenzku handknattleiksmennim-
ir veittu þeim harða keppni. 1 báð-
um leikjunum, sem háðir voru, hafði
Islenzka landsliðið yfir í hálfleik og
hélt forustu langt fram í síðari hálf-
leik, en undir lokin tókst heimsmeist-
urunum að sigla fram úr og sigra.
Þótti ýmsum súrt í broti að sjá
af sigri á síðustu mínútunum. Og
þegar litið er á landsleikjasöguna á
síðasta ári, kemur í ljós, að flestir
leikirnir voru keimlíkir að þessu
leyti. Var áberandi hve íslenzka
landsliðið stóð sig vel í fyrri hluta
leikjanna, en missti tökin, þegar síga
tók á síðari hlutann. Hver getur t.d.
gleymt ósköpunum i leiknum gegn
Dönum, sem háður var í apríl byrj-
un? 1 hálfleik hafði íslenzka liðið
tryggt sér 5 marka forskot, 14:9,
og á áhorfendapöllunum ríkti almenn
bjartsýni. Allir þóttust sjá fram á
íslenzkan sigur, og spurningin var
ekki, hvort íslenzka liðið myndi
sigra, heldur hve stór sigurinn yrði.
1 síðari hálfleik sneru Danir taflinu
eftirminnilega við og unnu leikinn
23:20. Sjaldan eða aldrei hafa eins
hryggir áhorfendur snúið heim frá
nokkrum landsleik hér heima og
þennan laugardagseftirmiðdag 2.
apríl.
Eins og fyrr segir, lék íslenzka
landsliðið 7 landsleiki heima og 4
leiki ytra, samtals 11 landsleiki, og
af þessum leikjum unnust aðeins 3.
I fljótu bragði virðist þetta slæm út-
koma, en þegar tillit er tekið til
styrkleika þeirra þjóða, er við lék-
um við, ef Bandarikjamenn eru und-
anskildir, þá þurfum við ekki að
vera svo mjög óánægð. Flestir leik-
irnir töpuðust með litlum mun og
79