Íþróttablaðið - 01.12.1986, Síða 12

Jón Páll
ÚR MYRKRINU í LJÓSIÐ
Það munaði ekki miklu að Jóni Páli
tækist að vinna titilinn „Sterkasti mað-
ur heirns" sama ár en sú keppni fór
fram á Nýja Sjálandi. Geoff Capes vann
með eins og hálfs stigs mun en Jón
Páll vann þó fleiri greinar en þessi
„fjandvinur" hans. Þriðji varð Simon
Wulfse sem vann Evróputitilinn.
— Ég sá fljótlega að þetta var eins
og að koma úr myrkrinu í ljósið. Ég var
vanur því að keppa frammi fyrir fáum
áhorfendum í kraftlyftingunum en
þarna var fullt af áhorfendum og sjón-
varpsvélar á hverju strái, segir Jón Páll
en skemmtileg og lífleg framkoma hans
á kraftamótunum varð fljótlega til þess
að hann vann hug og hjörtu þeirra sem
fylgdust með.
— Framkoman. Er þetta eitthvað
sem þú hefur æft sérstaklega eða er
þér þetta í blóð borið ?
— Þetta kom bara af sjálfu sér. Ég
er bara ég sjálfur en ég neita því ekki
að ég þarf kannski að hafa aðeins
meira fyrir hlutunum þegar ég keppi
erlendis. Ég hef yfirleitt farið einn á
þessi mót og hef þá ekki haft stuðning
íslendinga. Sennilega veitist mér þó
léttara en mörgum öðrum að fá fólk á
mitt band, því ég hef yfirleitt verið
yngstur keppenda og mjóstur og því
líkastur þeim sem á þessi mót horfa.
Ég hef verið í hlutverki Davíðs í keppni
við Golíata og sem betur fer hafa úrslit-
in oftast orðið eins og í sögunni, segir
Jón Páll og glottir rosalega.
STERKASTIMAÐUR HEIMS
Það var svo í Mora í Svíþjóð að Jón
Páll hafði í fyrsta sinn sigur í keppn-
inni „Sterkasti maður heims“. Mótið
var haldið í janúar 1985 en titillinn gilti
fyrir árið 1984. Keppt var í hörkufrosti
og miklum snjó og hélt Capes því fram
eftir keppnina að aðstæður hefðu verið
ákjósanlegar fyrir „ísmanninn" - Jón
Pál. Þetta hefði verið eina leiðin fyrir
Jón Pál til þess að vinna titilinn.
— Það kom aldrei annað til greina
hjá mér en að vinna. Ég æfði gífurlega
vel fyrir þessa keppni og kuldinn hafði
ekkert að segja. En ég skil gremju
Capes mæta vel. Hann gerði sér grein
fyrir þvi að „Kóngurinn" væri fallinn
og minn tími væri runninn upp, segir
Jón Páll og hlær. Þeir Capes eru miklir
mátar og Jón Páll segist fyrstur manna
viðurkenna að þessi 37 ára gamli kúlu-
varpari sé sennilega besti kraftakastar-
inn í heiminum í dag og hann njóti sín
einkar vel á Hálandaleikunum sem
haldnir eru víðs vegar um Skotland á
hverju sumri.
— Sjáðu til. Capes er búinn að vera
í þessum kraftaíþróttum í ein sjö ár en
áður var hann kúluvarpari á heims-
mælikvarða um árabil. Hans tími er lið-
inn og hann hefur lýst því yfir að hann
verði ekki með á fleiri mótum um titil-
inn Sterkasti maður heims. Ég er hins
vegar nýorðinn 26 ára og ég tel mig
geta haldið þessum titli næstu árin ef
ég kæri mig um og stefni að því, segir
Jón Páll og er alvara í hug.
AUGLÝSENDUR HAFA GRÆTT
MEIRA Á MÉRENÉGÁÞEIM
Talið berst nú að fjármálum. Margir
halda að Jón Páll sé orðinn moldríkur
á þessum keppnum, en hvað segir
kappinn sjálfur ?
— Það er ekki mikið upp úr þess-
um keppnum að hafa. Það eru auglýs-
ingasamningar sem gefa pening í aðra
hönd en ég hef ekki verið á samning
við stórfyrirtæki erlendis fram að
þessu, þó reyndar sé ég að velta einu
tilboði fyrir mér núna. Ég á frekar von
á því að það gerist eitthvað í málunum
eftir að sjónvarpsmyndin frá keppninni
á dögunum hefur verið sýnd. Það er að
segja, ef mér hefur gengið vel á mót-
inu, segir Jón Páll, strákslegur á svip.
— Hvað með stuðning fyrirtækja
hér á landi ?
— Það má alveg koma fram að
Flugleiðir hafa verið mér einstaklega
hjálplegir og fyrirtækið á þakkir skyld-
ar fyrir stuðninginn. Ég set mig heldur
aldrei úr færi við að auglýsa þá upp og
oft hef ég þurft að hafa talsvert fyrir
því. Það eru mjög strangar reglur um
auglýsingar á þessum mótum, en ég
þyki klókur við að hafa mitt fram.
Þetta er auðvitað bara sjálfsbjargarvið-
leytni og mótið núna er t.d. ein alls-
herjar Svala- auglýsing!, segir Jón Páll
og skellir upp úr. Hann bendir á að
hann hafi drukkið Svala við öll mögu-
leg tækifæri og það komi vel fram í
myndinni.
— Það hvað svo rammt að þessu að
Capes var farinn að kvarta yfir því að
ég gæfi honum aldrei Svala. Ég sá
aumur á honum og gaf honum einn og
þá vann hann bílveltugreinina. Ég gaf
honum ekki fleiri, segir Jón Páll og
spáir því að mikil aukning verði á sölu
á þessu drykk í Bretlandi eftir að
myndin verður sýnd. Það muni hafa
góð áhrif á Tjallann að sjá að tveir af
sterkustu mönnum heims drekki Svala.
Jón Páll er með fastan auglýsinga-
samning við Sól hf. en sá samningur
rennur út í byrjun næsta árs. Jón Páll
vill ekkert segja til um hvort samning-
urinn verði endurnýjaður og það eina
sem hann fæst til þess að gefa upp er
að Davíð Scheving Thorsteinsson þurfi
ekki að kvarta yfir árangririum.
— Davíð er í takt við tímann og það
gætu margir lært mikið af honum. Ég
get lært af honum, því hann hefur tví-
mælalaust grætt meira á mér en ég á
honum, segir Jón Páll og enn breikkar
brosið.
— Hvað með Hófí ? Nú hefur þú
komið fram með henni. Megum við
eiga von á meira samstarfi ?
— Ég hef sáralítið unnið með Hófí
en það var gaman að koma fram í
Hagaskólanum með henni. Þetta var
gott tækifæri því erlendar sjónvarps-
stöðvar tóku þetta upp og ég dró
meira að segja trukk fyrir eina þeirra.
Capes hafði frétt eitthvað af þessu og
það fyrsta sem hann spurði mig að
þegar ég kom til Nice, var hvort ég
hefði dregið trukk fyrir þá Reagan og
Gorbasjov. Þannig hafði sagan spunnið
dálítið upp á sig.
LIÐIÐ ÆTLAÐI AÐ HLÆGJA
SIG MÁTTLAUST
Jón Páll hefur ekki verið við eina
Qölina felldur í íþróttunum en senni-
lega vakti hann einna mesta athygli er
hann kom, sá og sigraði á íslandsmót-
inu í vaxtarrækt 1984.
— Vaxtarrækt hefur alltaf verið það
sem Bretar kalla „last minute check
in“. Ég hef alltaf æft mjög alhliða, til
þess að verða sterkur. Ég lít því
þokkalega út og hef getað smellt mér í
vaxtarræktina án nokkurs fyrirvara.
Annars var það fyrir tilviljun að ég var
með á mótinu 1984. Ég æfði á sama
stað og nokkrir vaxtarræktaramenn og
þeir buðust til þess að aðstoða mig í
vaxtarræktinni. Það hefur sennilega
verið hugmyndin að þetta gæti verið
gott skemmtiatriði, að hafa feitan
kraftlyftingamann með í keppninni
12