Íþróttablaðið - 01.12.1986, Qupperneq 72

Fimleikar
DRAUMURINNERAÐ
FÁGRYFJU
Nú eru 170 stelpur í deildinni en
einungis sex þjálfarar. Hvernig skiptið
þið þessu niður?
Kristín: „Við erum með tólf hópa og
núna í vetur settum við markið við tólf
stelpur í hóp. Það eru alltaf sömu
stelpurnar saman og hjá sama þjálfar-
anum. Byrjendurnir , það eru stelpur
allt niður í fimm ára, eru tvisvar sinn-
um i viku. Segja má að síðan ráði geta
hverrar og einnar hversu mikið þær
æfa. Byrjendurnir eru í léttum æfing-
um sem eru undirstöðuæfingar fyrir
erfiðari en annars þyngjast æfingarnar
stig af stigi og það er einstaklings-
bundið hvað stelpurnar gera og geta.
Þetta miðast við getu hvers og eins.“
Þið nefnduð áðan aðstöðuleysi sem
þið búið við. Hvernig standa málin
hvað áhöld snertir?
Anna: „Okkur stórvantar áhöld og
höfum aflað nokkurra sjálfar. Við
keyptum jafnvægisslána, hluta úr
stökkgólfi, stökkbretti og á þriðja vetri
fengum við tvíslána. Vegna þess
hversu seint hún kom til okkar þá
erum við þó nokkuð á eftir á henni
hvað getu varðar. Við höfum íjármagn-
að kaupin t.d. með happadrætti, félags-
gjöldin hafa verið notuð til áhalda-
kaupa, tombóla hefur verið haldin svo
eitthvað sé nefnt. Því er ekki að neita
að draumurinn hjá okkur er að fá
gryíju í nýja íþróttahúsið. Það er að
vísu bara draumur."
Eru einhver mót sem eru á döfinni á
næstunni hjá ykkur?
Anna: „Næsta mót verður í desem-
ber. Þetta er Bikarmótið og ætlunin er
að senda C og D Iið. Staðreyndin er
samt sú að þetta er of snemmt fyrir
okkur en við ætlum að vera með. Í
febrúar er unglingamót og meistara-
mót í fimleikastiga. í apríl er unglinga-
meistaramót í frjálsum æfingum og við
ætlum að vera með.“
UNGLINGA-
MEISTARINN
Það var alveg tilvalið að spjalla við
nokkrar stelpur sem voru að æfa þessi
kvöld sem við litum inn. Áhuginn með-
al þeirra virtist geysilegur og því er
ekki að neita að undirrituð fékk hálf-
gert samviskubit að vera að trufla þær
við æfingarnar. Sunneva Sólversdóttir
var eitt fórnarlamb okkar en hún er 14
ára. Hún er unglingameistari í sínum
aldursflokki, þ.e. 13-14 ára. Aðspurð
sagði hún að þetta væri þriðja árið
hennar í fimleikum með Stjörnunni.
Hún æfði handbolta með sama félagi
en er hætt því núna. Sunneva er í
Garðaskóla. Er hún var spurð að því
hvort hún nennti að mæta fimm sinn-
um í viku á æfingar þá viðurkenndi
hún að það kæmi nú fyrir að hún
nennti ekki „en þegar ég er komin
hingað þá er þetta allt í lagi. Uppá-
haldsáhald? Ekkert vafamál það er tví-
sláin.“
STJÖRNUMEISTARINN
Annað fórnarlamb okkar var
Stjörnumeistarinn hún Sigurbjörg
Ólafsdóttir 11 ára. Þetta er fimmta árið
sem hún æfir með Stjörnunni. Hún
æfir fimm sinnum í viku. „Tvísláin er
skemmtilegust en skrúfa er erfiðust.
Spígat? Nei, það er ekkert erfitt“ var
svarið þegar blaðamaður innti hana
eftir því sem ásýndar sýnist geysilega
erfitt, þ.e. spígatið.
Þessir hópar sem voru að æfa geisl-
uðu af áhuga og hressleika. Það er
samdóma álit allra sem eitthvað til
þekkja að í Stjörnunni eru bæði mikil
og góð fimleikaefni. Þetta er framtíð
fimleikafélagsins og það er vonandi að
skilningur yfirvalda og þeirra sem
þetta mál snertir geri það að verkum
að við þurfum ekki að bíða lengi eftir
sæmilegri aðstöðu fyrir þessar stelpur
svo að við íslendingar getum í nánustu
framtíð státað af afreksfólki í fimleik-
um eins og við gerum í öðrum íþrótt-
um.
Æðislegt úrval
af leikfimisfatnaði
arena v
F3EDDV
f
Carite
HOLASPORT
Bóka- og sportvöruverslun - Hólagarði - Sími 75020