Gerðir kirkjuþings - 2019, Blaðsíða 39

39
2. mál kirkjuþings 2019
Flutt af kirkjuráði
Skýrsla um fjármál þjóðkirkjunnar
Fjármál þjóðkirkjunnar
Vegna mikilla skipulagsbreytinga og óviðráðanlegra þátta náðist ekki að vera með
upplýsingar um fjármál þjóðkirkjunnar á réttum tíma. Við biðjumst velvirðingar á því og
vonum að í framtíð liggi upplýsingar fyrir mikið fyrr.
Í byrjun árs 2019 tók þjóðkirkjan bókhaldskerfið Navision í notkun fyrir allar stofnanir og
sjóði í umsjón Biskupsstofu en Biskupsstofa sjálf hélt áfram að vera hluti af ríkisbókhaldinu.
Launagreiðendur hafa til þessa verið tveir, Biskupsstofa og kirkjumálasjóður og hafa
nokkrir launamenn, t.d. kirkjuþingmenn fengið laun frá báðum aðilum.
Umtalsverðar breytingar verða á skipulagningu fjármála þjóðkirkjunnar með nýja
viðbótar-samningnum sem samþykktur var á síðasta kirkjuþingi. Eftir áramót verður
þjóðkirkjan ekki hluti af ríkisbókhaldinu og launagreiðslur presta og starfsmanna
þjóðkirkjunnar verða greiddar frá þjóðkirkjunni en ekki ríkinu eins og verið hefur.
Innborgun frá ríkinu greiðist í einu lagi og verður því færð á eina kennitölu í einu
bókhaldi og launagreiðandi verður einn á næsta ári. Þessar breytingar krefjast talsverðar
endurskipulagningar á verkefnum fjármáladeildar en sú vinna er þegar hafin. Allt verklag
fjármála verður endurskoðað í kjölfarið og verkferli endurskráð.
Kirkjuþing á eftir að móta fjármálastefnu þjóðkirkjunnar og setja starfsreglur um
nýtingu greiðslna samkvæmt viðbótarsamningi ríkis og kirkju. Vegna þröngs tímaramma
og mikilla breytinga sem gera þarf fyrir áramót er fjárhagsáætlun fyrir árið 2020 unnin í
samræmi við þá starfsemi sem verið hefur. Fjárhagsáætlunin var unnin af fjármálastjóra
í samráði við starfsdeildir og eftir kostnaðarliðum núlíðandi árs. Fyrstu drög að áætlun
voru kynnt kirkjuráði sem vísaði henni til fjármálahóps kirkjuráðs. Fjármálahópur skilaði
tillögum til breytinga til kirkjuráðs sem að lokum yfirfór áætlunina, gerði breytingar og
samþykkti til framlagningar hér á kirkjuþingi 2019. Framtíðarverklag við gerð og samþykkt
fjárhagsáætlana kirkjunnar þarf að móta í starfsreglum um ráðstöfun greiðslna frá ríkinu.
Fjárhæð greiðslu ríkisins vegna viðbótarsamnings ríkis og kirkju liggur ekki enn fyrir
eins og hún verður í fjárlögum vegna ársins 2020 en áætluð tala frá dómsmálaráðuneytinu
eru rúmlega 3,7 milljarðar.
Fjármál sókna
Í frumvarpi til fjárlaga er gert ráð fyrir að sóknargjöld verði 930,- kr. á einstakling á
mánuði. Reynslan hefur kennt okkur að sú fjárhæð getur tekið breytingum í annarri eða
jafnvel þriðju umræðu þingsins. Í fjárlögum fyrir árið 2019 voru sóknargjöld lækkuð í
þriðju umræðu þingsins úr 934,- kr. í 925,- kr.
Upplýsingar um hvernig tekjuskattsstofn ríkisins skiptist og hversu hátt sóknargjaldið
er af tekjuskattinum eru ekki aðgengilegar almenningi. Þetta gerir ríkinu auðvelt fyrir að