Gerðir kirkjuþings - 2019, Blaðsíða 28

28 29
nefndarinnar og ráðsins. Kirkjuráð skipar sviðsstjóra fasteignasviðs og felur honum að
annast daglegan rekstur fasteigna og eignaumsýslu samkvæmt samþykktri fjárhags- og
framkvæmdaáætlun. Kirkjuráð skipar staðgengil sviðsstjóra.
Verkefni fasteignasviðsins voru til umfjöllunar á 11 af 16 fundum kirkjuráðs á starfsárinu
enda einn stærsti málaflokkur kirkjuráðs. Skal nú gerð grein fyrir umfangmestu málum
á sviðinu en að öðru leyti vísast til fundargerða kirkjuráðs á starfsárinu, nóvember 2018
til október 2019 og framkvæmdaáætlun fasteignasviðs 2019-2021 sem kirkjuráð hefur
samþykkt. Þar er að finna nákvæmt yfirlit yfir allar nauðsynlegustu viðhaldsframkvæmdir
á eignum kirkjumálasjóðs, s.s. prestsseturshúsum og öðrum eignum. (fskj. 4).

– Seldir prestsbústaðir.
Þrír prestsbústaðir voru seldir á starfsárinu. Fyrrum prestsbústaður á Eiðum, Austfjarða-
prestakalli, Austurlandsprófastsdæmi; prestsbústaðurinn að Laugarbraut 3, Akranesi,
Garða- og Hvalfjarðarstrandarprestakalli, Vesturlandsprófastsdæmi. Prestsbústaðurinn
að Hlíðartúni 4, Höfn, Bjarnanesprestakalli, Suðurprófastsdæmi er í söluferli og búið er
að samþykkja tilboð.
– Helstu viðhaldsverkefni.
Stærstu viðhaldsframkvæmdir á starfsárinu voru við prestsbústaðina á Seyðisfirði,
Patreksfirði og á Þórshöfn á Langanesi svo og vegna prestaskipta í Stafholti, á Syðra
Laugalandi og í Laufási. Á Þórshöfn var keyptur prestsbústaður sem þurfti að endurbæta.
Unnið hefur verið að nokkrum minni viðhaldsverkefnum í öðrum prestsbústöðum svo og
í Biskupsgarði. Vísað er til yfirlits frá fasteignasviði um verkefni sviðsins sem fylgir skýrslu
þessari.
Verkefni kirkjuráðs á sviði fjármála.
Kirkjuráð hefur tekið til skoðunar breytta verkferla og tímasetningar vegna ársreikninga
og fjárhagsáætlana. Samþykkt var að drög að fjárhagsáætlunum verði tilbúin í lok júlí
og kirkjuráð taki þau fyrir á ágústfundi sínum og í framhaldi af því, eða í síðasta lagi 1.
september verði drög færð í gagnaherbergi kirkjuþings. Á kirkjuráðsfundi eftir kirkjuþing
verði fjárhagsáætlanir endurskoðaðar með tilliti til ákvarðana á kirkjuþingi, þeim verði
breytt ef þess þarf, annars samþykktar. Stefnt verði að því að endurskoðun ársreikninga
ljúki eigi síðar en 1. september og þeir liggi þá fyrir kirkjuþingsfulltrúum til skoðunar. Ekki
tókst að fylgja framangreindum tímamörkum að þessu sinni m.a. vegna ýmissa breytinga.
Verkefni kirkjuráðs á sviði fjármála voru til umfjöllunar á 11 af 16 fundum á starfsárinu.
Kirkjuráð gerir grein fyrir fjármálum sjóða og stofnana kirkjunnar í 2. máli kirkjuþings
2019; Skýrsla um fjármál þjóðkirkjunnar og vísast til hennar um þau verkefni.
Stofnanir sem heyra undir kirkjuráð.
Stofnanir og nefndir skila skýrslum í Árbók kirkjunnar og er vísað þangað til nánari
greinargerða um starfsemi þeirra. Sú umfjöllun sem hér fer á eftir er til fyllingar því eða
sérstakrar áréttingar á atriðum sem kirkjuráð vill vekja athygli kirkjuþings á.