Vinnan - 01.09.1946, Qupperneq 50

Heimaklettur í Vestmannaeyjum
Verkstjóranum hafði tekizt að koma boðum til 3
eða 4 verkamanna að koma á vettvang og hefja vinnu.
Þegar menn þessir sýndu sig líklega til að flytja verk-
færin niður á bryggjuna, voru þau af þeim tekin jafn-
óðum og þeim skipað að hreyfa þau ekki. Létu þeir
fljótt að orðum verkfallsmanna, enda hafði þeim nú
smám saman fjölgað og skipti hópurinn orðið tugum
manna.
Atvinnurekandinn var þó ekki á því að gefast upp
við svo búið. Um 9 leytið er skrifstofu- og búðarmenn
komu til vinnu, voru þeir látnir reyna að hefja vinnu
Einn þeirra, skrifstofumaður hjá Johnsen, var þó hvað
ákafastur að brjóta verkfallið á bak aftur. Réðist hann
að einum verkfallsmanni með tappatogara að vopni,
barði hann í andlitið og veitti honum nokkurn áverka,
sem dreyrði úr.
Við þetta tiltæki hvarf allur tvískinnungur af verka-
mönnum, og voru allir þeir, sem gert höfðu sig líklega
til að hefja vinnu, þegar reknir af planinu.
Skipti þá atvinnurekandinn um hernaðaraðferð og
vildi semja. Voru samninganefndarmenn boðaðir í
skrifstofu bæjarfógeta. Þar voru fyrir 4 helztu atvinnu-
rekendur bæjarins og fulltrúar þeirra. Reyndu þeir ým-
ist með hótunum eða blíðmælgi að fá nefndarmenn til
þess að ganga inn á kauplækkun, en hugir verkamanna
voru nú eigi lengur neitt sáttfúsir og var kröfunni um
óbreytt kaup haldið fram af fulJri einbeittni.
Varð ekkert samkomulag á fundi þessum.
Um kveldið var haldihn fundur í verkamannafélaginu
að nýju. Mættu þar á þriðja hundrað manns og voru
nú allir sammála um slaka í engu til fyrir atvinnurek-
endum, félagsstjórnin engu síður en aðrir verkamenn.
Verkfallsvörður var skipulagður. Fimm tíu manna
sveitir héldu vörð til skiptis um vinnustaðinn dag og
nótt, og skyldu þeir kalla sína 10 menn hver, ef útlit
væri fyrir að atvinnurekendur reyndu að brjóta niður
verkfallið með útvegsmönnum, en um það hafði kvis-
ast. — I æfingaskyni var tvívegis kallað á verkamenn
og náðust um tvö hundruð manns á vinnustaðina á ör-
skömmum tíma í bæði skiptin.
Eftir 4 daga verkfall var samninganefndin að nýju
kvödd á fund bæjarfógeta, sem var millgöngumaður um
sættir. í þetta sinn var erindið að tilkynna, að atvinnu-
rekendur byðu upp á að greiða framvegis verkamönn-
um í Vestmannaeyjum sama kaup og greitt væri verka-
mönnum Dagsbrúnar í Reykjavík, en það var þá kr.
1.30 um tímann.
Undirrituðu atvinnurekendur skuldbindingu um
þetta, var hún lögð fyrir almennan fund í verkamanna-
félaginu og samþykkt. — Þar með var verkfallinu af-
lýst.
Sem vænta mátti voru verkamenn mjög ánægðir með
þennan fyrsta sigur sinn. Samtökin höfðu staðizt sína
fyrstu eldraun með ágætum.
GuSlaugur Hansson
240
VINNAN