Vinnan - 01.09.1946, Blaðsíða 70

að verkamenn og atvinnurekendur tilnefni sinn mann-
inn frá hvorum aðila, en þrír dómaranna séu óvilhallir.
Forseti Alþýðusambands Islands var þá Stefán Jóhann
Stefánsson og samkvæmt vinnulöggjöfinni skipaði
stjórn Alþýðusambandsins fulltrúa Hlífar í dóminum
(!) það var lögfræðingur af skrifstofu Stefáns Jóhanns
Stefánssonar. Fulltrúi atvinnurekenda í dóminum var
Alþýðuflokksmaður, kennari í Hafnarfirði. Þetta mun
vera eina málið fyrir Félagsdómi, þar sem stefnandi
hefur tilnefnt bæði fulltrúa sinn og hins stefnda. Guð-
mundur I. Guðmundsson, einn af höfundum vinnulög-
gjafarinnar og talsmaður ágætis hennar fyrir verka-
lýðssamtökin, var sækjandi Alþýðuflokksins. Verjandi
Hlífar var Pétur Magnússon hrm.
Hlíf skylcli g'jalda grimmilcga
Kröfur Guðmundar I. Guðmundssonar f. h. atvinnu-
rekenda Alþýðuflokksins voru þær, að vinnustöðvun
Hlífar yrði dæmd ólögmæt; að Hlíf greiddi atvinnurek-
endum 6000 kr. auk 5% vaxta til greiðsludags vegna
stöðvunar á b.v. Júní; að Hlíf greiddi Bæjarútgerðinni
1200 kr. á dag frá því vinnustöðvun hófst og þangað
til henni yrði aflétt; að Hlíf greiddi sektir vegna ólög-
mætra vinnustöðvana og yrði dæmd til að greiða allan
málskostnað. — Hlífarmenn mundu enn þegar einmitt
þessi maður var að túlka fyrir þeim, hve ágæt vinnu-
löggjöfin væri fyrir verkalýðssamtökin.
Kröfur Péturs Magnússonar, verjanda Hlífar, voru
þær, að Hlíf yrði sýknuð af öllum kröfum stefnanda,
að stefnandi yrði dæmdur til refsingar fyrir atvinnu-
kúgun og dæmdur til að greiða allan málskostnað.
Verjandi Hlífar sýndi fram á það fyrir dóminum, að
stefnandi hefði beitt atvinnukúgun til að knýja verka-
menn inn í klofningsfélagið og þar með brotið 6. gr.
vinnulöggjafarinnar og auk þess brotið 3. og 4. gr.
hennar.
Dómur féll 25. febr. Var Hlíf sýknuð af kröfum at-
vinnurekenda, þeir taldir samningsbundnir við Hlíf og
því óheimilt að semja við klofningsfélag sitt. Hins vegar
var Hlíf dæmd í 1000 kr. sekt fyrir ólöglega vinnu-
stöðvun — í stað hennar hefði átt að skjóta broti at-
vinnurekenda til Félagsdóms. (Ólögleg var vinnustöðv-
unin talin vegna þess að til þess að hún bæri tilætlaðan
árangur varð félagið að ákveða hana strax á félags-
fundi, en allsherjaratkvæðagreiðsla gat ekki farið fram
fyrr en síðar).
Hlíf hafði þar með sigrað í deilu þessari. En minni
hluti dómsins — fulltrúi Alþýðusambandsins og full-
trúi atvinnurekenda !! — vildu dæma klofningsfélaginu
réttinn.
Verkamcnn samcinast aftur
í sínu gamla félagi
Að kvöldi 26. febr. var fundur í Hlíf — var það
fjórði fundurinn meðan á deilunni stóð og voru þeir
allir fjölmennari en dæmi voru til áður, og í allsherjar-
atkvæðagreiðslu um vinnustöðvunina tóku þátt 235
félagsmenn og greiddu 219 atkvæði með henni, var það
hæsta atkvæðamagn að baki samþykktar, sem Hlíf
hafði nokkru sinni gert.
Fundinum bárust úrsagnir tveggja manna, nafnalisti
112 manna, sem afturkölluðu úrsagnir sínar og 6 ein-
stakar inntökubeiðnir. Formaður félagsins lagði til að
afturkallanirnar yrðu teknar gildar. Kvaðst vona, að
þessir menn kæmu aftur í félagið sem einlægir félags-
menn. Voru afturkallanirnar samþykktar.
Þá samþykkti fundurinn ennfremur með öllum at-
kvæðum gegn 4: „Verkamannafélagið Hlíf ályktar, að
þeir einir geti verið löglegir meðlimir Hlífar, sem ekki
eru jafnframt meðlimir annars stéttarfélags verka-
manna í Hafnarfirði í sömu starfsgrein.“
Hafnfirzkir verkamenn voru nú aftur sameinaðir í
einu félagi og mun óhætt að fullyrða, að þótt þá í fram-
tíðinni kunni að greina á um ýmislegt, muni þeir aldrei
hverfa af braut jafnréttis og stéttarlegrar einingar.
Deila þessi sýndi óumdeilanlega þann sannleik, að til
þess að verkalýðssamtökin geti rækt hlutverk sitt, verða
verkamenn að standa sameinaðir á stéttargrundvelli, og
mega ekki skiptast í „verkamannafélög“ einstakra at-
vinnurekenda, né eftir trúarskoðunum (eins og Alþýðu-
blaðið hélt fram), — en fyrst og fremst sannaði hún
nauðsyn þess, að Alþýðusambandinu væri breytt í fag-
legt samband óháð pólitískum flokkum, enda var það
gert þrem árum síðar og á þeim grundvelli mun það
starfa í framtíðinni.
í þessari deilu skipuðu stjórn Hlífar þessir menn:
Helgi Sigurðsson formaður, Jón Bjarnason ritari, Krist-
inn Sigurðsson gjaldkeri, Jón V. Hinriksson fjármála-
ritari og Ólafur Jónsson varaformaður.
/ --------------------------------------------
Félagar
í Alþýðusambandi Íslaucls!
Starfið fyrir tímarit sambandsins.
Utvegið nýfa kaupendur að Vinnunni.
V_______-_____________________________________/
260
VINNAN