Þjóðmál - 01.12.2016, Side 37

STJÓRNARSKRÁ
Sigurður Már Jónsson
Bankahrun og
byltingastjórnarskrá
í aðfararorðum skýrslu stjórnlaganefndar
um breytingará stjórnarskrá fslands, sem
lögð var fram 24. febrúar 2011, er bent á að
stjórnarskrá sé sáttmáli þjóðar um leikreglur
til framtíðar.„Ekki telst hún vera trygging fyrir
næmri siðferðisvitund og heiðarleika, en hún
er viðleitni til að leggja undirstöðu að réttlátu
stjórnkerfi með mannréttindi og almanna-
heill að leiðarljósi."
Stjórnarskrá er í eðli sínu grundvallarlög
sem öll önnur löggjöf byggist á og ber að
virða. Stjórnlaganefndin benti á að stjórnar-
skráin þurfi því að vera skýr, greinileg og
auðskiljanleg, og taka af tvímæli um skipan
valds og stjórnsýslu. Þannig er henni ætlað
að tryggja þjóðina gegn misþeitingu valds.
Hver þjóðfélagsþegn á að geta stuðst við
stjórnarskrá lýðveldisins og haft að leiðarljósi
við skilning á stjórnskipan og séð þar rétt
sinn og skyldur.
ÞJÓÐMÁL vetrarhefti 2016 35