Milli mála - 2021, Blaðsíða 18

Milli mála 13/2021 1717
BIRNA ARNBJÖRNSDÓTTIR
náminu. Þá er talað um stýrt sjálfsnám (e. curated) sem er tilvísun í
val sýningarstjóra á listaverkum til sýningar eftir þema eða öðrum
markmiðum, til að innihaldið myndi heild og höfði til neytandans
þannig að hann átti sig á viðfangsefninu. Það sama á við um tungu-
málakennslu á netinu þegar búið er að velja saman aðferðir og inni-
hald sem hæfa nemandanum og aðstoða hann við að ná námsmark-
miðum sínum2.
Námsumsjónarkerfi eins og Canvas www.canvas.net eða Moodle
www.moodle.com eru ágæt til að halda utan um kennslu en þess
konar kerfi eru ekki hugsuð til málþjálfunar. Tungumálanám bygg-
ist ekki nema að litlu leyti á öflun upplýsinga, mati og nýmyndun
(e. synthesis) heldur á stöðugri uppbyggingu færni í tungumáli þar
til sjálfvirkni er náð bæði í samskiptaflæði (e. fluency) og hittni (e.
accuracy) þ.e. að geta notað viðeigandi orð og orðmyndir í setningum
sem líkjast markmálinu með skiljanlegum framburði. Til að ná
færni í tungumáli í sjálfsnámi gegnum tölvur þarf nemandi aðgang
að tækjum og tólum til að ná bæði flæði og hittni í tungumáli.
Icelandic Online www.icelandiconline.com er dæmi um stýrt sjálfs-
nám í tungumáli með vefaðgangi. Kerfið er aðgengilegt í tölvum og
snjalltækjum. Icelandic Online býður upp á sex námskeið í íslensku
sem öðru máli á fimm færnistigum frá A1 til C1 á evrópska tungu-
málarammanum (Council of Europe). Fyrsta námskeiðið er ætlað
innflytjendum en síðari námskeiðin eru þróuð með háskólafólk í
huga og miðast þemu, söguþræðir og málnotkun við þann markhóp.
IOL er opið og gjaldfrjálst og í umsjá Tungumálamiðstöðvar við
Mála- og menningardeild Háskóla Íslands. Námskeiðin hafa verið
notuð af yfir 330.000 notendum; innflytjendum, nemendum Háskóla
Íslands og erlendra háskóla í blönduðu námi ásamt áhugamönnum
um íslenskt mál og menningu um allan heim í stýrðu sjálfsnámi.
Icelandic Online (IOL) gjörbreytti aðgengi að námi í íslensku sem öðru
máli þegar það kom fyrst út árið 2004 og telst nú til opinna risanet-
námskeiða (e. Language Massive Open Online Courses) (LMOOC).
Þróun kerfisins hófst fyrir 20 árum sem svar við ákalli um úrræði til
að kenna íslensku sem annað/erlent mál á netinu. Skömmu áður
2 Hubbard, „Curation for systemization of authentic content“; Hubbard, „Digital content curation“;
Dörnyei og Ibrahim, „Directed motivational currents“; Hew, „Promoting engagement in online
courses“; El Said, „Understanding how learners use Massive Open Online Courses“.