Milli mála - 2021, Blaðsíða 230
Milli mála 13/2021 229
liðnum tíma (Contes de ma mère l’Oye, ou histoires du temps passé).22 Sögur
gæsamömmu komu fyrst út á prenti árið 1697 og þar er að finna alls
átta ævintýri sem víðkunn eru á Vesturlöndum: „Þyrnirós“,
„Rauðhetta“, „Bláskeggur“, „Stígvélaði kötturinn“, „Álfkonurnar“,
„Öskubuska eða glerskórinn“, „Rikki með skúfinn“ og „Tumi
þumall“. Perrault birti fyrstu ævintýrin nokkuð fyrr eða allt frá
1691 í bókmenntatímaritinu Le Mercure Galant sem kom út frá ár-
inu 1672.23 Hann var vel þekktur í samkvæmis- og menningarlífi
Parísarborgar og meðlimur í hinni áhrifamiklu Frönsku akademíu
sem hafði meðal annars það hlutverk að standa vörð um hina klass-
ísku hefð. Þrátt fyrir það var hann hlynntur nýjungum á ritvellinum
og sagði að stundum væri nauðsynlegt fyrir alvarlega lesendur að
leyfa skynseminni að hvílast örlítið.24 Í upphafi sögunnar
„Asnaskinn“ („Peau d’Âne“) skrifar hann: „Hvern skyldi undra/að
skynsemin skýra,/iðulega uppgefin,/heillist af sögum/um álfkonur
og tröll/og njóti þar hvíldar.“25 Á titilsíðu verksins Sögur gæsa-
mömmu, eða sögur frá liðnum tíma er svo mynd af gamalli konu sem
spinnur við eldstæði og segir þremur börnum sögu en á litlu spjaldi
á herbergishurðinni stendur „Sögur gæsamömmu“. Sumir töldu að
ævintýri hans væru nánast skrifuð beint upp eftir þeim sem fluttu
þau því að þau þóttu einföld og stílhrein og auk þess gaf hann
sjálfur í skyn í skrifum sínum í Le Mercure Galant að sögur hans
væru mun nær munnmælahefðinni en bókmenntaleg ævintýri ann-
arra höfunda.26 Það er þó að öllum líkindum langt frá því að vera
rétt og Marc Fumaroli og fleiri telja að ætla megi að Perrault hafi
vandað sig mikið við ritun ævintýranna og að yfirvegaður og ein-
faldur stíll þeirra eigi lítið sameiginlegt með stíl munnmæla-
sagna.27 Þrátt fyrir yfirlýsingar um að gott sé að leggja skynsemina
til hliðar á stundum gerir Perrault lítið úr hinu yfirnáttúrulega í
sögum sínum. Í „Öskubusku“ dugar ekki sveifla töfrasprota til að
22 Um deilur um hver sé höfundur verksins, sjá Gheeraert, „Introduction. La grand-mère et l’aca-
démicien“, 26–35.
23 Jean Donneau de Visé stýrði Le Mercure Galant frá 1672 til 1710 og þar birtust ljóð og stuttir
bókmenntatextar innan um alls kyns fróðleik. Frá 1677 kom tímaritið út einu sinni í mánuði.
24 Defrance, „La politique du conte aux XVIIe et XVIIIe siècles. Pour une lecture oblique“, 15.
25 Þessi saga kom út árið 1695 ásamt fleiri ævintýrum í bundnu máli; Perrault, Contes, 139–140.
26 Gheeraert, „Introduction. La grand-mère et l’académicien“, 37.
27 Fumaroli, „Les Fées de Charles Perrault ou De la littérature“, 153–186; Gheeraert, „Introduction.
La grand-mère et l’académicien“, 45–46 og 61–69.
ÁSDÍS R. MAGNÚSDÓTTIR