Milli mála - 2021, Blaðsíða 24

Milli mála 13/2021 23
leikar er vel nýttir í Icelandic Online. Kennslufræði Icelandic Online
verður lýst í næsta undirkafla.
3. Kennslufræðin að baki IOL: Að kenna
fullorðnum tungumál á netinu
Kennslufræðin tók mið af því að fyrir 20 árum höfðu nemendur
litla reynslu í notkun stafrænna miðla. Þar var mikill munur á eldri
og yngri nemendum og það kallaði á skýrar leiðbeiningar með
námskerfinu. Þetta hljómar nú nánast spaugilega þegar mismun-
andi tölvuviðmót er ekki talið til mikilla trafala í námi á netinu. Þá
hamlaði takmarkaður nethraði notkun gagnvirks námsefnis og
myndefnis. Hraði niðurhals var ekki lengur fyrirstaða þegar kerfið
var uppfært til notkunar í snjalltækjum árið 2016 og þá var hægt
að bæta við myndefni og fjölga gagnvirkum æfingum.
Kennsluaðferðir IOL miðast við skýrt afmarkaðan markhóp sem
eru aðallega fullorðnir nemendur með einhverja menntun og
reynslu af tungumálanámi. Kennslufræðin er m.a. byggð á sam-
skiptakenningunni (e. communicative language teaching),15 félags- og
menningarnálgun Vygotskis (e. socio-cultural approach) og kenning-
um um máltileinkun fullorðinna eins og lýst er hér að neðan, þ.e.
tækni sem þjónar námsmarkmiðunum og fjölbreyttu innihaldi sem
höfðar til markhópsins. Það sem greinir námskeið IOL frá þeim
mikla fjölda smáforrita og tungumálanámskeiða sem til er á net-
inu16 er að IOL byggir upp málfærni á markvissan hátt eftir fyrir-
fram ákveðinni kennslufræði sem hentar markhópnum og mark-
málinu og byggist á almennum, viðurkenndum kenningum um
eðli tungumála og tungumálanáms og fjölbreyttri framsetningu
sem hentar alls konar námsstíl.17 Mikil vinna fór því í að setja fram
markmið í náminu og þróa kennsluaðferðir til að ná þessum mark-
miðum, sem byggðust á kenningum annarsmálsfræða um tungu-
málanám fullorðinna (en ekki t.d. ungra barna). Tillit var líka tekið
til þess að íslenska hefur ríkulegt beygingarkerfi sem reynst hefur
15 Sjá t.d. Canale og Swain, „Theoretical bases of communicative approaches “.
16 Blake, „Current trends“; Sigurbjörn Valdimarsson, „English language learning apps“.
17 Chapelle, Computer applications in language teaching.
BIRNA ARNBJÖRNSDÓTTIR