Sjómannablaðið Víkingur - 01.01.2020, Page 12

þegar ég var að byrja sem skipstjóri.
Þú sagðir að túrarnir tæku svona
45-55 daga, hvernig skiptist túrinn á milli
veiða og stíma að og frá miðum?
– Stímin eru um 20% en veiðar um
80% Að loknum hverjum túr áttu sam-
bærilegt frí í landi.
Hvað gerirðu þá?
– Við hjónin eigum 4 börn og 6 barna-
börn, eins og áður hefur komið fram,
sem ég reyni að sinna eins vel og ég get.
Svo á ég trillu, sóma 800, Ósk EA-17,
sem ég leik mér á svona inn á milli, fer
gjarnan með barnabörnin á sjóstöng eða í
hvalaskoðun sem þau hafa mikið gaman
að. Á um 8 tonna kvóta sem ég veiði með
handfærum, síðan hef ég stundað strand-
veiðarnar ögn, landaði til dæmis á liðnu
ári 20 sinnum og núna þann 14. mars er
ég að fara heim til þess meðal annars að
stússast í trillunni. Tók úr henni vélina
áður en ég fór út og ætla þegar ég kem
heim að mála vélarúmið og gera fínt áður
en ég set vélina aftur niður.
Nú síðan tek ég nú alltaf að minnsta
kosti tvisvar á dag rúnt á bryggjuna til
þess að spjalla við karlana sem þar eru að
stússast í trillunum sínum, fá frá þeim
fréttir af aflabrögðum og síðan, sem er nú
ekki það þýðingarminnsta, að skiptast á
skoðunum við þá um lífið og tilveruna
en á því sviði eru endalaus óleyst mál
eins og allir vita.
„Verðlagið 50% lægra“
Á árinu 2017 fórum við hjónin til Torre-
vieja á Spáni til þess að skoða þar íbúðir
sem voru þá til sölu. Í upphafi ferðar
ætluðum við bara að skoða en ekki að
kaupa. Lyktirnar urðu samt þær að við
skrifuðum undir kaup á íbúð sem við
fengum afhenta á liðnu ári. Um er að
ræða um 90 m² íbúð í Sol Park sem er
íbúðaþyrping hér á Torrevieja svæðinu.
Íbúðinni fylgir jafnstór þakflötur hússins,
svokallað solarium, þar sem við erum
með sólbaðsaðstöðu, sólbekki, hornsófa
og borð að ógleymdum heitum potti.
Íbúðinni fylgir stæði í bílageymslu
ásamt geymslu þar og aðgengi að sund-
laug. Nú af sjálfu leiðir að konan mín er
hér oftar en ég en ég reyni að dvelja hér
sem mest í frítúrunum.
Við kunnum mjög vel við okkur
hérna, mesta breytingin er veðrið, alltaf
nánast logn og hitinn kvölds og morgna
til dæmis núna í febrúar um og yfir 12°C
og um miðjan daginn um 20°C. Við er-
um mikið meira úti við hér en heima, ég
hjóla mikið, heima á maður það undir
Guði og lukkunni hvort maður kemst
aftur heim leggi maður í að fara í göngu-
túr á þessum tíma árs. Síðan er það verð-
lagið sem er a.m.k. 50% lægra hér en
heima.
Hér eru þau hjónin, Siggi og Dana, á þakinu á íbúðinni sinni í Sol Park 160 á Spáni. Sundlaugin í baksýn.
sendir félögum sínum
og fjölskyldum þeirra
bestu kveðjur og hamingjuóskir
í tilefni Sjómannadagsins.Félag skipstjórnarmanna
12 – Sjómannablaðið Víkingur