Sjómannablaðið Víkingur - 01.01.2020, Qupperneq 16

Fimmtudaginn 28. janúar árið 1960
voru öll stóru fréttablöðin á Íslandi
með sömu forsíðufréttina. Nýja
varðskipið er komið, tilkynntu blöðin
þjóðinni. Nú verður fyrir alvöru tekið í
lurginn á Bretunum.
Þetta síðara var kannski ekki sagt al-
veg með þessum orðum en allir vissu til
hvers refirnir voru skornir. Haustið 1958
hafði fiskveiðilögsagan verið færð út í tólf
mílur Bretum til sárrar gremju. Síðan þá
hafði geisað þorskastríð á Íslandsmiðum.
Og nú hafði nýr Óðinn bæst í flota Land-
helgisgæslunnar, alls 880 rúmlestir, 64
metrar á lengd, tíu á breidd og sérstak-
lega styrktur siglinga innan um ís og á
fullri ferð – eða því sem næst– í verstu
vetrarveðrum.
◊ ◊ ◊
Allt var flunkunýtt um borð og kom ekki
á óvart í nýju skipi – nema fallbyssan,
hún mátti muna fífil sinn fegri. Þegar
blaðamenn höfðu orð á því við Pétur Sig-
urðsson, forstjóra Landhelgisgæslunnar,
hvort byssan væri ekki of lítil og of göm-
ul svaraði hann stutt og laggott: – Hún
mun duga til þess sem ætlast er til.
Þetta svar varð aðeins til að æsa upp
forvitnina í fjölmiðlamönnum sem grófu
fljótlega upp að fallbyssan, sem var kom-
in nokkuð á sjötugsaldur, hafði áður ver-
ið á tveimur varðskipum og gekk því enn
í endurnýjun lífdaga á nýjum Óðni.
Sumarið á eftir komst gamla fallbyssan
á Óðni í heimsfréttirnar þegar kúlur úr
henni lentu í reykháfi breska togarans
Grimsby Town. En það er önnur saga.
Löngu síðar, þegar stóð til að selja
Óðinn úr landi, beitti þáverandi alþingis-
maður, Guðmundur Hallvarðsson, sér
fyrir því að skipið yrði varðveitt. Stofnuð
voru Hollvinasamtök Óðins, hætt var við
söluna og í dag eiga allir Íslendingar þess
kost að heimsækja skipið og hlýða á
fræðandi frásagnir um lífið um borð og
hvað á dagana dreif þá áratugi sem Óðinn
var í þjónustu íslensku þjóðarinnar.
◊ ◊ ◊
Varðskipið Óðinn er sem sé orðinn sex-
tugur. Hann er að sjá sem nýr þar sem
hann liggur við Verbúðarbryggjuna í
Reykjavíkurhöfn, í umsjá Sjóminjasafns-
ins við Grandagarð. Hollvinasamtökin
fögnuðu afmælinu og buðu til veislu. Þar
mætti margt mætra kvenna og karla –
meðal annarra var þar okkar ágæti ljós-
myndari og velunnari Víkings, Jón Páll
Halldórsson, sem sendi okkur þessar
myndir úr afmælisfagnaðinum.
Í brúnni á Óðni, forseti Íslands, Guðni Th. Jóhannesson, Lilja Alfreðsdóttir, mennta- og menningarmálaráð-
herra, Áslaug Arna Sigurbjörnsdóttir dómsmálaráðherra, Guðmundur Hallvarðsson, formaður Hollvinasam-
taka Óðins, og forsetafrú Eliza Jean Reid.
ÓÐINN SEXTUGUR
NN
A
16 – Sjómannablaðið Víkingur