Sjómannablaðið Víkingur - 01.01.2020, Side 50

50 – Sjómannablaðið Víkingur
Í lok mars á þessu ári lögðu sex starfsmenn Eimskips upp í
langferð. Þetta var ekki ýkja heppilegur tími til ferðalaga,
kóvíd að tröllríða þjóðum heims, en erindið var brýnt. Og
átti sér nokkurn aðdraganda.
Samstarfið
Á Grænlandi hefur landsstjórnin frá 1993 starfrækt skipafélagið
Royal Arctic Line AS sem hefur sérleyfi á vöruflutningum sjó-
leiðina til og frá Grænlandi. Eimskip siglir hina sömu erfiðu
leið og Grænlendingarnir yfir úfið Atlantshafið og augljóst að
hagsmunir fyrirtækjanna færu saman enda má heita að sam-
vinna hafi verið með þeim frá fyrsta degi hins grænlenska Royal
Arctic Line.
Í janúar 2016 ákváðu svo félögin að efla þetta samstarf til
mikilla muna. Tengja skyldi flutningskerfi Grænlands við al-
þjóðlegt siglingakerfi Eimskips með samningi um samnýtingu á
plássi í siglingakerfum sem tengir Grænland á heimsvísu.
Fleira hékk á spýtunni. Félögin sammæltust um að koma sér
upp nýjum gámaskipum, sérhönnuðum fyrir hinar erfiðu að-
stæður á Norður-Atlantshafi og Norðurheimskautssvæðinu.
Hvergi átti að slá af kröfum og skipin að uppfylla alþjóðlega
staðla og reglur um siglingar á hinu viðsjárverða Atlantshafi.
Og félögin létu ekki sitja við orðin tóm. Ári síðar gekk Eim-
skip til samninga við China Shipbuilding Trading Company
Limited og Guangzhou Wenchong Shipyard Co. Ltd. um smíði
á tveimur 2.150 gámaeininga skipum. Smíðaverð þrjátíu og
tvær milljónir dollara.
Við þetta tækifæri sagði Gylfi Sigfússon, þáverandi forstjóri
Eimskips: „Það er ánægjulegt að gengið hafi verið frá samningi
um smíði nýju skipanna. Þetta er mikilvægt skref í endurnýjun Bragi Björgvinsson skipstjóri flutti stutta tölu þegar skipið var afhent.
Dettifoss var fyrst sjósettur í sumarið 2019.
Heitið er gamalt í sögu Eimskips. Fyrsti Dettifoss
var smíðaður árið 1930 í Frederikshavn í
Danmörku. Síðan hafa fjögur skip siglt undir
þessu nafni. Þetta er því í sjötta sinn sem
Dettifoss gengur í endurnýjun lífdaga.
NÝR DETTIFOSS