Sjómannablaðið Víkingur - 01.01.2020, Qupperneq 93

Sjómannablaðið Víkingur – 93
Sá gorkúlugróður á engan tilverurétt.“
Matthías Jochumsson um hroka oflátungsins.
Sunnudag einn átti Matthías erindi inn í Fjöru og bað Stefán Stef-
ánsson í Svalbarði, sem var við enskunám hjá skáldinu, að ganga
með sér. Gengu þeir svo inn Hafnarstræti og Aðalstræti uns þeir
komu að litlu húsi. Þar fór Matthías inn en bað Stefán að bíða
fyrir utan.
Eftir drykklanga stund kom Matthías út aftur og segir Stefáni
þá að hann hefði viljað rölta þetta til að afla sér góðrar samvisku.
Þannig stæði á að í húsinu væri góð vinkona hans að deyja sem
hann vildi kveðja.
Þegar Jón Sveinsson steig á land á Akureyri til að taka við bæjar-
stjóraembættinu var Matthías skáld Jochumsson staddur á bryggj-
unni. Hann gengur til Jóns og heilsar honum með þessum orð-
um:
„Komið þér sælir, bæjarstjóri.“
Jón tekur kveðjunni og svarar:
„Þetta getur nú varla talist bær, þetta er eins og hvert annað
þorp.“
Matthías glottir og segir:
„Ojæja, yfirþorpari þá.“
Eitt sinn hittust þeir á Akureyri, séra Matthías og séra Björn í
Laufási, og var Matthías að koma frá jarðarför. Bárust þá í tal
aukatekjur presta og segir séra Björn:
„Mikið áttu gott, Matthías, alltaf að jarða, en enginn deyr hjá
mér.“
Einar Benediktsson skáld sendi Matthíasi Jochumssyni vísu á af-
mæli hans.
Júlíus bankastjóri, mágur Einars, frétti þetta og spurði Matthí-
as hvernig honum hefði þótt vísan.
„Og hún var eins og þorskhaus,“ svaraði Matthías.
„Eins og þorskhaus, hvernig þá?“ vildi Júlíus fá að vita enda
skildi hann svarið alls ekki.
„Það var erfitt að gera sér mat úr henni en allra besti matur
þegar búið var að vinna hana.“
Skáldið á Sandi, Guðmundur Friðjónsson, hafði verið í heimsókn
á Akureyri en var á heimleið og taldi sig endilega þurfa að kveðja
séra Matthías sem þá var orðinn roskinn. Hringdi Guðmundur í
Matthías og ræddi við hann dágóða stund en þegar komið var að
kveðjustund ákvað Guðmundur að reyna þjóðskáldið og spurði
formálalaust:
„Geturðu sagt mér, Sigurhæðabúi, hvernig ég muni geta haldið
mér andlega ungum til æviloka?“
Matthías svaraði samstundis:
„Það get ég sagt þér, minn elskulegi, - með því að skipta oft
um skoðanir.“