Tímarit lögfræðinga - 01.12.2006, Qupperneq 98

441
marksefni kaupsamnings um fasteignir, svo hann sé gildur. Óþarft er að
ganga lengra í því efni en nauðsyn krefur til þess að ná framangreindu mark-
miði.9 Orðalag 1. mgr. 7. gr. fkpl., sem um þetta fjallar, er eftirfarandi:
Samningur um kaup á fasteign er bindandi þegar skriflegt tilboð hefur verið
samþykkt af móttakanda þess með undirskrift, enda felist í því skuldbinding um
greiðslu tilgreinds kaupverðs og afhendingu fasteignar.
Í þessi felst, að eftirfarandi þarf að hafa átt sér stað til þess að loforð um
kaup og sölu fasteignar verði skuldbindandi:
Form.
Skriflegt tilboð, samþykkt af móttakanda með undirskrift.
Efni.
Skuldbinding um greiðslu tilgreinds kaupverðs og skuldbinding um
afhendingu fasteignar. Ljóst er að í skuldbindingu um sölu fasteignar og
yfirfærslu eignarréttar að henni, felst einnig skuldbinding um afhendingu
hennar.
Samkvæmt þessu þarf ekki að hafa verið samið um, hvernig kaupverðið
á að greiðast, né heldur hvenær eign skuli afhenda. Sé ekki um það samið,
gilda fyllingarreglur fkpl., þ.e. ákvæði 11. gr., um að kaupverðið þurfi ekki
að greiða fyrr en fasteign sé afhent og hana þurfi ekki að afhenda fyrr en
kaupverðið er greitt samtímis, sbr. til hliðsjónar H 1965 63. Í þessu felst meg-
inreglan um að hönd selji hendi, þegar ekki er samið um frest til að afhenda
eða til að greiða kaupverðið.
Af sjálfu sér leiðir, að undirskilið er, að ljóst sé um hvaða fasteign sé að
ræða.10
Í 3. mgr. 7. gr. er mælt fyrir um að til skriflegs forms og skriflegra und-
irskrifta samkvæmt lögunum teljist rafrænt form og undirskriftir, sem hafa
sama gildi samkvæmt ákvæðum í lögum. Í þessu felst, að það ræðst af
ákvæðum annarra laga, fyrst og fremst laga nr. 28/2001, um rafrænar und-
irskriftir, og laga um rafræn viðskipti og aðra rafræna þjónustu, nr. 30/2002,
hvenær rafrænt form og undirskriftir samninga jafngilda skriflegum. Fkpl.
hafa því ekki að geyma sérreglur um það efni.
3.3 Milliganga umboðsmanns. Formlegt umboð
Í 2. mgr. 7. gr. er kveðið á um, að ef umboðsmaður komi fram fyrir hönd
kaupanda eða seljanda, skuli umboð hans vera skriflegt. Slík krafa er eðlileg
í ljósi formskilyrðisins. Er því skriflegt umboð skilyrði fyrir því, að gildur
9 Alþingistíðindi 2001-02, A-deild, bls. 1454.
10 Alþingistíðindi 2001-02, A-deild, bls. 1455.