Tímarit lögfræðinga - 01.12.2006, Side 117

460
Tillögur um breytingar á samþykktum félagsins voru bornar upp til at-
kvæða í einu lagi og þær samþykktar samhljóða. Sama gilti um breytingatil-
lögur á skipulagsskrá Námssjóðs LMFÍ. Tillögurnar hljóðuðu svo:
2. gr. hljóði svo:
Hlutverk sjóðsins er að styrkja bókasafn LMFÍ með því að veita styrki til
kaupa á bókum og búnaði á safnið og sinna fræðslu- og endurmenntunarmálum
lögmanna í því skyni að auka hagnýta og fræðilega þekkingu þeirra á hinum
ýmsu sviðum lögfræðinnar. Auk þess er heimilt að veita fé úr sjóðnum til annarra
verkefna sem stuðla að aukinni menntun lögmanna, ef sérstakar ástæður eru til
að mati sjóðsstjórnar.
Skal unnið að fræðslu- og endurmenntunarmálum m.a. með eftirgreindum
hætti:
a) Með því að halda reglulega endurmenntunarnámskeið um hagnýt lögfræðileg
efni.
b) Með því að standa fyrir stuttum fyrirlestrum um áhugaverð lögfræðileg efni,
sem efst eru á baugi hverju sinni.
c) Með því að standa fyrir námsferðum lögmanna innanlands og utan.
d) Með því að miðla upplýsingum til lögmanna um námskeiðahald erlendis.
3. gr. hljóði svo:
Fjárhagur Námssjóðs skal vera aðskilinn frá fjárhag LMFÍ og félagsdeildar
LMFÍ.
Tekjur sjóðsins eru:
a) Vextir og verðbætur af innistæðum sjóðsins.
b) Tekjur af námskeiðum.
c) Gjafir og önnur framlög, enda séu slík framlög fyrirfram skilgreind til náms-
eða fræðslustarfa.
d) Aðrar tekjur.
4. gr. hljóði svo:
Stjórn Námssjóðs LMFÍ skipa fimm lögmenn. Skulu fjórir stjórnarmenn
kosnir til þriggja ára á aðalfundi félagsdeildar LMFÍ, auk þess sem meðstjórn-
andi í stjórn Félagsdeildar LMFÍ skal eiga fast sæti í stjórn sjóðsins.
Þeir sem hyggjast gefa kost á sér til setu í stjórn Námssjóðs skulu tilkynna
það til stjórnar Félagsdeildar LMFÍ ekki síðar en 7 dögum fyrir aðalfund.
Stjórn sjóðsins skiptir með sér verkum.
5. gr. hljóði svo:
Stjórn Námssjóðs LMFÍ hefur umsjón með sjóðnum í samræmi við ákvæði
skipulagsskrár þessarar.
Stjórn Námssjóðs hefur ákvörðunarvald um það hvort og þá að hve miklu
leyti tekið verður við gjöfum til sjóðsins, sbr. c-lið 2. mgr. 3. gr. Séu gjafir í formi
peninga/reiðufjár, skal stjórn sjóðsins jafnframt hafa ákvörðunarvald um hvern-
ig slíkum framlögum verði ráðstafað út frá tilgangi sjóðsins.
Stjórn Námssjóðs tekur ákvörðun um ávöxtun á fé sjóðsins.