Tímarit lögfræðinga - 01.12.2006, Page 118

461
7. gr. hljóði svo:
Reikningsár sjóðsins er almanaksárið. Stjórn sjóðsins skal leggja reikninga
hans fyrir endurskoðendur til endurskoðunar eigi síðar en 20. febrúar ár hvert.
Lokið skal endurskoðun reikninga fyrir 1. mars ár hvert. Skulu endurskoðend-
ur senda stjórninni reikningana með áritun sinni og athugasemdum fyrir þann
dag.
Stjórnin gerir grein fyrir störfum sjóðsins á aðalfundi félagsdeildar LMFÍ.
Sjóðurinn greiðir allan kostnað af starfsemi sinni. Félagsdeild LMFÍ sér um
framkvæmd og útfærslu á verkefnum Námssjóðs í samráði við sjóðsstjórn.
8. gr. félli niður., 9. gr. verði 8. gr., 10. gr. verði 9. gr., 11. gr. verði 10. gr.
Framangreindar tillögur voru samþykktar samhljóða.
Þá var tillaga stjórnar um hækkun árgjalds úr kr. 37.000 í kr. 40.000 sam-
þykkt mótatkvæðalaust.
5. Kosningar
Á fundinum var Helgi Jóhannesson, hrl., endurkjörinn formaður félags-
ins, auk þess sem þau Ástríður Gísladóttir, hdl., og Lárentsínus Kristjáns-
son, hrl., vour kjörin í stjórn í stað Helgu Melkorku Óttarsdóttur, hdl., og
Jóhannesar Alberts Sævarssonar, hrl. Auk þeirra þriggja sem kjörin voru í
stjórn félagsins sitja áfram þau Helga Jónsdóttir, hdl., og Stefán Geir Þór-
isson, hrl. Í varastjórn voru kjörin þau Hjördís Halldórsdóttir, hdl., Hörður
Felix Harðarson, hrl., og Jóhannes Bjarni Björnsson, hrl. Í laganefnd félags-
ins næsta starfsár voru kjörin þau Jóhannes Rúnar Jóhannsson hrl., Óttar
Pálsson hrl., Ása Ólafsdóttir hrl., Birgir Már Ragnarsson hdl., Eva Bryndís
Helgadóttir hdl., Katrín Helga Hallgrímsdóttir hdl. og Ólafur Eiríksson hdl.
6. Önnur mál
Undir liðnum önnur mál var borin upp tillaga varðandi gjafsókn, en
flutningsmenn tillögunnar voru Atli Gíslason, hrl., Bergþóra Ingólfsdóttir
hdl., Jónas Haraldsson hrl., Jónas Þór Jónasson hdl. og Jóhannes Albert
Sævarsson hrl. Eftir nokkrar umræður og breytingatillögur var eftirfarandi
tillaga samþykkt:
Aðalfundur LMFÍ haldinn 10. mars 2006 mótmælir því að Alþingi hafi vorið
2005 fellt niður heimild til gjafsóknar samkvæmt b. lið 126. gr. laga nr. 91/1991
um meðferð einkamála. Þar með eiga einstaklingar ekki rétt á gjafsókn í mál-
um sem hafa verulega almenna þýðingu eða varða verulega miklu fyrir atvinnu,
félagslega stöðu eða aðra einkahagi, nema fjárhagur þeirra sé bágborinn. Með
niðurfellingu heimildarinnar hefur aðgengi einstaklinga að dómstólum, mann-
réttindi þeirra, verið skert verulega, svo sem í málssókn eða málsvörn í málum
þar sem ríki, sveitarfélög eða stórfyrirtæki eiga hlut að máli og aðstöðumunur
aðila afar mikill. Aðalfundurinn skorar á ríkisstjórnina og Alþingi að leiða þessa
mikilsverðu heimild í lög á nýjan leik.