Bændablaðið - 12.01.2023, Blaðsíða 24

24 Bændablaðið | Fimmtudagur 12. janúar 2023
VARAHLUTIR OG BÍLAVÖRUR
Í HÆSTA GÆÐAFLOKKI
BÆJARHRAUNI 12
220 HAFNARFIRÐI
S. 555 4800
Hafnargata 52
260 Reykjanesbæ
S. 421 7510
Hrísmýri 7
800 Selfossi
S. 482 4200
Furuvöllum 15
600 Akureyri
S. 535 9085
Sólvangi 5
700 Egilsstöðum
S. 471 1244
STÓRVERSLUN STÓRVERSLUN
BÍLDSHÖFÐA 12
110 REYKJAVÍK
S. 535 9000
Skoðaðu vöruúrvalið á
www.bilanaust.is
MENNING
Nú í byrjun árs eru allar horfur á
góðu leikári og þeir hvattir til að
hafa samband við leikhúsin sem
áhuga hafa á að vera með.
Áætlaður æfinga- og vinnslutími
sýninga er um 6–8 vikur og auk þess
að spreyta sig á sviðinu má aðstoða
við uppsetningu leikmynda, ljósa eða
hljóðhönnun svo eitthvað sé nefnt.
Áhugaleikhús má finna víða um
land, allt frá höfuðborgarsvæðinu til
Hornafjarðar – en samkvæmt vefsíðu
BÍL, Bandalags íslenskra leikfélaga,
eru aðildarfélögin eftirfarandi:
Freyvangsleikhúsið Eyjafirði,
Halaleikhópurinn Reykjavík,
Hugleikur Reykjavík, Leikdeild
UMF. Gnúpverja, Leikfélag
A-Eyfellinga, Leikfélag Blönduóss,
Leikfélag Dalvíkur, Leikfélag
Fjallabyggðar, Leikfélag Flateyrar,
Leikfélag Fljótsdalshéraðs,
Leikfélag Hafnafjarðar, Leikfélag
Hofsóss, Leikfélag Hólmavíkur,
Leikfélag Hörgdæla, Leikfélag
Hornafjarðar, Leikfélag Húsavíkur,
Leikfélag Hveragerðis, Leikfélag
Keflavíkur, Leikfélag Kópavogs,
Leikfélag Mosfellssveitar, Leikfélag
Norðfjarðar, Leikfélag Ölfuss,
leikfélag Rangæinga, Leikfélag
Sauðárkróks, Leikfélag Selfoss,
Leikfélag Seyðisfjarðar, Leikfélag
Sólheima, Leikfélag Vestmannaeyja,
Leikfélagið Borg, Leikfélagið
Grímnir Stykkishólmi, Leikfélagið
Skagaleikflokkurinn Akranesi,
Leikfélagið Sýnir sem starfar á
landsvísu, Leikflokkur Húnaþings
vestra, Leikhópurinn Lopi á
Suðurlandi, Litli Leikklúbburinn
Ísafirði, Stúdentaleikhúsið Reykjavík,
Umf. Biskupstungna Leikdeild
Bláskógabyggð, Umf. Dagrenning
Leikdeild Lundarreykjadal, Umf.
Efling Suður-Þingeyjarsýslu,
Umf. Íslendingur Leikdeild
Skorradalshreppi, Umf. Reykdæla
Logalandi og Umf. Skallagrímur
Leikdeild.
Á síðasta ári bættist svo m.a. við
leikfélagið Lauga á Snæfellsbæ,
endurreist á stoðum Leikfélags
Ólafsvíkur, en nafngiftin Lauga
var til heiðurs Sigurlaugu Heiðrúnu
Jóhannsdóttur heitinni, formanni
Leikfélags Ólafsvíkur til margra ára.
Í þjónustumiðstöð BÍL, sem
staðsett er á Kleppsmýrarvegi 8,
104 Reykjavík, er að finna stærsta
leikritasafn landsins fyrir þá er
hyggjast setja upp leikrit. Starfsfólk
miðstöðvarinnar aðstoðar svo við
útvegun sýningarleyfa og sér um
innheimtu höfundargreiðslna auk
þess að veita aðra ráðgjöf.
Síminn hjá BÍL er 551-6974
og lista yfir leikstjóra má svo
finna á vefsíðunni www.leiklist.is
undir flipanum þjónusta og um að
gera að kynna sér feril þeirra og
fjölbreytileika. /SP
Hörður Sigurðarson , framkvæmda-
stjóri BÍL, gefur okkur stöðuna
á áhugaleikhúsum landsins eftir
að starfsemin hefur legið í dvala
í rúm tvö ár.
Já, öll starfsemi litaðist fram á sumar
síðasta árs af Covid-veirunni en mikið
líf hefur verið í áhugaleikhúsunum
frá því í haust og félögin virðast hafa
hrist þetta alveg af sér,“ segir Hörður
Sigurðarson, framkvæmdastjóri
Bandalags íslenskra leikfélaga.
„Staðan núna er mjög ánægjuleg
eins og gefur að skilja og gaman að
segja frá því að nokkur ný félög hafa
verið sett á laggirnar, þá bæði glæný svo
og önnur sem hafa vaknað úr dvala eftir
mörg ár. Það hefur ef til vill kitlað fólk
að endurvekja félög, eftir að hafa þurft
að þreyja tíð Covid sem hefur í mörgum
tilvikum lagst á sálina. Andinn þarf
einhverja útrás!“ segir Hörður brosandi.
Starfsemin komin á réttan kjöl
Hörður segir starfsemina eins og hún er
núna svo að segja komna á réttan kjöl.
Hann útbjó nú í haust einblöðung sem
skýrir stjórnum félaga áhugaleikhúsa
þær skyldur sem þær hafa gagnvart
Bandalaginu, svo og þær skyldur sem
Bandalagið ber gagnvart félögunum.
„Þetta ekki síst ætlað stjórnum nýrra
félaga,“ heldur Hörður áfram, „en
svo er nokkuð um að verið sé að
skipta um stjórnir í eldri félögum
og þá er gott að vera upplýstur um
hvernig þetta fer allt fram. Þeir sem
hafa áhuga á að fá þessar upplýsingar
mega gjarnan hafa samband við mig.“
Árið í heild
„Árið hjá okkur núna lítur vel út,“
heldur Hörður áfram, „flest í föstum
skorðum og bjart fram undan. Við
bjóðum að venju upp á Leiklistarskólann
okkar sem rekinn hefur verið á sumrin
í rúm 25 ár. Mögulega verður skólinn
núna á nýjum stað. Hann hefur verið
rekinn að Reykjum í Hrútafirði í mörg
ár en við færum okkur nú líklega að
Laugum í Sælingsdal.“
Nýr staður þýðir breytingar og
nýjar áskoranir og það er ákveðin
spenna í kringum það. Meðal annars
er Bandalag íslenskra leikfélaga
meðlimur norrænu samtakanna
NEATA, North European Amateur
Theatre Association (Samtök sam-
banda áhugaleikhúsa á Norður-
löndunum og í Eystrasaltsríkjunum).
Starfsemi NEATA leið fyrir Covid
eins og víða en samtökin hlutu þó
nýverið styrk til þess að halda fundaröð
með það fyrir augum að leggja línurnar
fyrir samstarfið næstu ár.
Hátíðir og húllumhæ
„Þetta er í raun þriggja funda röð, segir
Hörður, fyrsti fundur var í Helsinki nú
í nóvember, sá næsti verður í Litáen
í mars og sá þriðji áætlaður hér í
Reykjavík nk. október. Þetta eru níu
lönd sem eru í samtökum NEATA
og samtals tólf manns sem mæta á
fundina til skipulagningar. Samtök
NEATA hafa haldið með jöfnu millibili
leiklistarhátíðir þar sem löndin koma
saman og sýna valin verk. Þetta
raskaðist auðvitað vegna ástandsins,
síðasta stóra hátíð var haldin árið
2018 en vonast er til að hægt verði að
taka upp þráðinn, og þá í Noregi, árið
2024. Þannig að það er allt á uppleið,“
segir Hörður. „Að lokum vil ég þó
endurtaka hversu ánægjulegt er að sjá
hve mikið líf hefur færst í starfsemi
áhugaleikhúsanna eftir erfiða tíð.
Starfsemin er að komast í eðlilegt
horf ef svo má segja og nýir sprotar að
spretta upp.“
Með það í huga er rétt að hvetja
sem flesta til að kynna sér starfsemi
áhugaleikhúsanna og jafnvel athuga
hvort væri ekki skemmtilegt að ganga
til liðs við eitt slíkt, enda mikið um að
vera, allir velkomnir að rétta fram hönd
eða jafnvel stíga á sviðið. /SP
Bandalag íslenskra leikfélaga:
Allt á uppleið með nýju ári
Þar sem allir eru velkomnir
og geta lagt hönd á plóg
Hörður Sigurðarson,
framkvæmdastjóri BÍL.
Áhugaleikhúsin:
Frá nokkrum sýningum síðasta misseris
Kardimommubær Freyvangsleikhússins. Í fylgd með fullorðnum, leiksýning Leikfélags Hörgdælinga.
Nei, ráðherra hjá Leikfélagi Sauðárkróks.
Ávaxtakarfan á sviði Leikfélags Vestmannaeyja.
Leikfélag Kópavogs settu Þjófa & lík á svið.
Fljótsdalshérað sýndi Gulleyjuna.