Bændablaðið - 12.01.2023, Blaðsíða 35

35Bændablaðið | Fimmtudagur 12. janúar 2023
Ennþá er hægt að skrá sig í
Bændahópa

Viltu auka hagkvæmni við gróffóðuröflun?
Viltu auka magn og gæði uppskeru túnanna?
Viltu bæta nýtingu áburðar og annarra aðfanga?

Taktu þátt í skemmtilegu og uppbyggilegu
verkefni með öðrum bændum!
Síðasti dagur skráninga er 15. janúar
Fundir byrja í febrúar — Kynningarverð fyrir þátttöku er 105.000 kr. án vsk.
Ráðunautar sem lóðsa hópa eru:
Eiríkur Loftsson, Sigurður T. Sigurðsson og Þórey Gylfadóttir
Upplýsingar og skráningar á heimasíðu RML, hnappur merktur
„Bændahópar“. Vinnum saman og náum markmiðum okkar.
Nánari upplýsingar gefur Þórey Gylfadóttir, thorey@rml.is
www.rml.is sími 516 5000
Garðyrkjustarf
Framtíðarstarf
Gróðrarstöðin Ártangi ehf, óskar eftir starfsmanni, gjarnan með reynslu af garðyrkjustörfum.
Starfsmaðurinn þarf að hafa hæfni í mannlegum samskiptum og geta starfað sjálfstætt.
Þá eru jákvæðni, snyrtimennska og stundvísi æskilegir kostir.
Starfað er við almenn garðyrkjustörf svo sem uppskeru, pökkun, þrif o.f l. sem til fellur.
Vinnutími er frá 8:00 -16:00 og eina helgi í mánuði. Einnig getur verið að nauðsynlegt reynist að taka
einhverja auka yfirvinnu á álagstímum. Laun eru samkvæmt taxta.
Starfið hentar öllum kynjum. Tungumálakunnátta, íslenska og enska.
Mögulegt er að leigja herbergi á staðnum tímabundið.
Fyrirspurnir og umsóknir sendist á artangi@artangi.is Öllum umsóknum verður svarað.
Fimmtudaginn 19. janúar fer
fram Mannamót Markaðsstofa
landshlutanna í Kórnum í
Kópavogi. Mótin hafa verið
fjölmennasti viðburðurinn í
íslenskri ferðaþjónustu undanfarin
ár en þar hafa hátt í þúsund gestir
mætt.
Markmið Mannamóta er að gera
ferðaþjónustunni á landsbyggðinni
auðveldara fyrir að kynna þjónustu
sína fyrir fólki í ferðaþjónustu á
höfuðborgarsvæðinu.
Á viðburðinum gefst einstakt
tækifæri til að hitta fólk frá öllum
landshlutum og skapa vonandi
góð viðskiptasambönd sem skila
ferðamönnum allan ársins hring.
Öflug ferðaþjónusta
„Ísland hefur upp á svo mikið að bjóða
og mikilvægt að sem flestir taki þátt
í að sýna hina öflugu og fjölbreyttu
ferðaþjónustu sem er á landsbyggðinni.
Einnig er mikilvægt að ferða-
skrifstofur, skipuleggjendur ferða
og aðrir gestir nýti þetta frábæra
tækifæri til að hitta og mynda tengsl
við fyrirtækin af öllu landinu, sem eru
að kynna sína þjónustu á Mannamóti,“
segir Ragnhildur Sveinbjarnardóttir,
framkvæmdastjóri Markaðsstofu
Suðurlands.
Tengslamyndun mikilvæg
Ragnhildur segir alltaf mikinn áhuga
hjá sunnlenskum ferðaþjónustuaðilum
að taka þátt í Mannamótinu. „Nú eru til
dæmis um 70 fyrirtæki búin að skrá sig
til þátttöku en alls verða þau um 230
af öllu landinu.
Á Mannamóti er frábært tækifæri til
að hitta fjölmargar ferðaskrifstofur og
skipuleggjendur á einum degi og mynda
góð viðskiptatengsl. En ekki síður
mikilvægur þáttur í þessum viðburði
er að þarna er fólk að hittast, hvort sem
það eru gamlir samstarfsaðilar eða fólk
að mynda ný tengsl. Þarna er fólk að
tengjast söluaðilum í borginni og ekki
síður samstarfsfólki í ferðaþjónustu
í sínum landshluta og annars staðar
af landinu. Mikil ánægja hefur verið
með viðburðinn og er það þessi
tengslamyndun sem er einn stærsti
þátturinn sem fólk nefnir sem ástæðu
fyrir að taka þátt,“ segir Ragnhildur.
/ MHH
Markaðsstofur landshlutanna:
Mannamót í Kórnum
í Kópavogi 19. janúar
Reiknað er með um þúsund gestum á Mannamót Markaðsstofa landshlutanna
19. janúar. Öllum er frjálst að mæta á viðburðinn og enginn aðgangseyrir er
fyrir gesti. Myndir / Aðsendar
Í ársskýrslu sóttvarna fyrir árið
2021, sem kom út fyrir skömmu,
er fjallað um faraldsfræði
tilkynningarskyldra sjúkdóma í
samanburði við fyrri ár.
Á árinu 2021, eins og á árinu 2020,
snerist starfsemi sóttvarnalæknis að
miklu leyti um Covid-19.
Vegna sóttvarnaaðgerða gegn
Covid-19 þá fækkaði sumum öðrum
sýkingum, bæði öndunarfæra- og
meltingarfærasýkingum, sem leiddi
einnig til minni sýklalyfjanotkunar,
en nýgengi flestra tilkynningarskyldra
sjúkdóma hélst hins vegar að mestu
óbreytt. Samkvæmt skýrslunni
fjölgaði tilfellum kynsjúkdóma, að
klamydíu undanskilinni, árið 2021 frá
árinu þar á undan. Mest er fjölgunin
í tilfelli lekanda og talsvert fleiri
karlmenn en konur smituðust af
kynsjúkómum árið 2021.
Svipaður fjöldi klamydíusýkinga
greindist árið 2021 og árin á undan,
eða 1.805. Kynjahlutföllin voru
nokkuð jöfn, 53% konur og 47%
karla.
Lekandi
Fleiri greindust með lekanda á árinu
2021 en árið á undan, eða 107 tilfelli.
Flestir höfðu íslenskt ríkisfang, 59%,
og karlmenn voru í miklum meirihluta,
eða 80%. Lekandabakteríur, sem eru
fjölónæmar fyrir sýklalyfjum, eru
vaxandi vandamál erlendis og því
tímaspursmál hvenær þær verða það
hér á landi. Eftir árið 1990 dró mjög úr
nýgengi sjúkdómsins en á síðari árum
hefur hann smám saman aukist á ný.
Sárasótt
Á árinu 2021 greindust 49
einstaklingar með sárasótt, sem
er töluvert fleiri en undanfarin ár.
Karlmenn voru í miklum meirihluta
meðal þeirra sem greindust með
sárasótt, 46 talsins, eða 94%. Af þeim
sem greindust höfðu 53% íslenskt
ríkisfang en aðrir erlent. Þessi faraldur
hefur síðustu ár fyrst og fremst tengst
körlum sem hafa kynmök við karla
en ljóst er að hann getur einnig náð
til kvenna.
HIV/alnæmi
Árið 2021 greindist 21 einstaklingur
með nýja HIV-sýkingu. Þar af voru
71% karlar og 29% konur. Flestir
sem greindust á árinu, eða 11
talsins, smituðust vegna kynmaka
samkynhneigðra karla, sjö vegna
kynmaka gagnkynhneigðra og einn
vegna neyslu fíkniefna í æð. Tveir
karlmenn greindust með alnæmi árið
2021 en engin kona. /VH
Smokkurinn er góð vörn til að
forðast kynsjúkdóma.
Ársskýrsla sóttvarna:
Kynsjúkdómum fjölgar