Tímarit hjúkrunarfræðinga - 2021, Síða 57

endur því geta hafið nám haustið 2021. Námið má einnig nota til grundvallar frekari
sérhæfingar á klínísku sérsviði hjúkrunar á meistarastigi (MS með áherslu á sýkinga-
varnir og smitsjúkdómahjúkrun).
Hagnýt þekking á sviði sýkingavarna
og smitsjúkdómahjúkrunar
Tilgangur diplómanámsins er að veita hjúkrunarfræðingum tækifæri til að efla þekk-
ingu sína og færni á sviði sýkingavarna (e. infection control) og smitsjúkdómahjúkr-
unar (e. infectious disease nursing) á lands- og heimsvísu. Námið byggist að stærst-
um hluta á fjórum kjarnanámskeiðum. Auk námskeiða í sýklafræði (5 ECTS) og
veiru fræði (3 ECTS) sitja nemendur tvö sérkennd námskeið. Annars vegar er það
faraldsfræði, útbreiðsla smitsjúkdóma og sóttvarnir (6 ECTS) og hins vegar sýkinga-
varnir og smitsjúkdómahjúkrun (6 ECTS). Til viðbótar við kjarnanámskeiðin taka
nemendur námskeiðið fræðileg aðferð (2 ECTS) auk valnámskeiðs (8 ECTS).
Að námi loknu skulu nemendur hafa öðlast færni til að hagnýta þekkingu sína
við störf á sviði sýkingavarna og smitsjúkdómahjúkrunar. Nemendur munu þannig
búa yfir kunnáttu sem nýtist í almennum forvörnum og hreinlæti; í við brögðum við
faröldrum og hópsýkingum; við hjúkrun sjúklinga með bráða og langvinna smit-
sjúkdóma innan og utan stofnana; við uppbyggingu heilbrigðisþjónustu og skipulag
stofnana; ásamt þátttöku í sýkingavörnum og þróunar sam vinnu á alþjóðlegum vett-
vangi.
Færni hjúkrunarfræðinga með diplómanám í sýkingavörnum og smitsjúkdóma -
hjúkrun byggist á yfirgripsmikilli þekk ingu á:
• helstu örverum sem sýkja menn, meinvirkni þeirra, greiningu, einkennum
og meðferð
• faraldsfræði smitsjúkdóma og aðferðum til að meta og hefta útbreiðslu þeirra
• lögum og reglugerðum sem ná yfir opinberar sóttvarnarráðstafanir
• starfsemi ónæmiskerfisins í tengslum við sýkingar og virkni bóluefna
• undirstöðuatriðum sýkingavarna, smitleiðum örvera og algengum spítala -
sýkingum
• ónæmum bakteríum, þróun sýklalyfjaónæmis og sýkla lyfjagæslu
• hjúkrun sjúklinga með bráða og langvinna smitsjúk dóma, auk fyrirbyggjandi
aðgerða
diplómanám í sýkingavörnum og smitsjúkdómahjúkrun á meistarastigi
tímarit hjúkrunarfræðinga • 1. tbl. 97. árg. 2021 57
Námskrá fyrir nemendur í diplómanámi í sýkingavörnum
og smitsjúkdómahjúkrun
Fyrsta misseri — haust 2021 Samtals 8 ECTS
Fræðileg aðferð 2 ECTS
Faraldsfræði, útbreiðsla smitsjúkdóma og sóttvarnir 6 ECTS
Annað misseri — vor 2022 Samtals 8 ECTS
Sýklafræði fyrir hjúkrunarfræðinga 5 ECTS
Veirufræði fyrir hjúkrunarfræðinga 3 ECTS
Þriðja misseri — haust 2022 Samtals 6 ECTS
Sýkingavarnir og smitsjúkdómahjúkrun 6 ECTS
Valnámskeið — óháð misseri Samtals 8 ECTS