Úrval - 01.06.1942, Page 2

I TRVAL mun taka upp þá venju, að birta aftast í hverju hefti
bók í samþjöppuðu formi og verður auðvitað reynt að vanda
til vals á þeim. Slik samþjöppun bóka hefir orðið ákaflega vinsæl
og veljast að jafnaði til þess önnur rit en skáldsögur, því að þær
þykja síður fallnar til samþjöppunar. Finnst mönnum það handhæg
og ekki um of tímafrek aðferð til að kynnast meginefni þeirra bóka,
sem efstar eru á baugi og mest umtalaðar á hverjum tíma.
DINS og að líkum lætur, er okkur, sem að Úrvali stöndum, einkar
umhugað að fá sem gleggsta vitneskju um, hvemig ykkur
lesendunum fellur efnisval og meðferð tímaritsins. Á því byggist
tilvera þess. Við teljum það mikils virði að geta komizt í beint
samband við ykkur í gegnum bréfaskriftir. Bréf frá ykkur um
skoðanir og áhugamál ykkar í sambandi við efni tímaritsins eru
okkur ómetanleg stoð í viðleitninni til að fullnægja kröfum ykkar.
Þegar þú, lesari góður, hefir lokið lestri þessa heftis, þá ætlum
við að biðja þig að gera okkur þann greiða að hripa niður á blað
og senda okkur, það sem þú hefir helzt að segja í sambandi við
efni þess. Hverjar greinarnar fannst þér meira gaman að lesa, þær
sem fjalla um stríð og stjórnmál eða hinar, sem ræða nýjungar i
læknisfræði og vísindum, eða ef til vill smásögurnar ? Hvemig fannst
þér greinin Leshraði og hefirðu nokkuð reynt að notfæra þér leið-
beiningar þær, sem í henni eru? Hvernig líkaði þér greinamar um
sambandsríkjahugmyndina, mistök Bandaríkjanna, þýzka herinn, af-
burðamenn og smásjána? Hvernig farmst þér Örlagastund Englands,
og hvað hefirðu að segja í sambandi við þá tilhögun að birta þannig
samþjappaðar bækur? Hvaða grein þótti þér skemmtilegust, og
hver sízt. Við biðjum þig ekki að svara öllum þessum spurningum.
Einn svarar þessu og annar hinu, eftir því sem hugurinn stendur
til, og með því móti væntum við að fá fleiri eða færri svör við þeim
öllum, og jafnframt öðrum, sem okkur liggja á hjarta, þótt ekki séu
þær bornar fram hér. Bréfum þessum eða köflum úr þeim, sem og
rabbi við lesenduma í 3ambandi við þau, er ætlað rúm á kápu tíma-
ritsins. Er það gert til þess að taka ekki rúm frá öðru efni og verður
þá ekki annað sagt en að hver síða þess sé nýtt til hins ýtrasta.
URVAL tímaritsgreina í samþjöppuðu formi.
Ritstjóri: Gisli Ölafsson. Afgreiðsla og ritstjóm Kirkjustræti 4,
pósthólf 365, Reykjavík. Kemur út fjómm sinnum á ári. Verð kr.
5,00 hvert hefti. Utanáskrift tímaritsins er: ÍJrval, pósthólf 865
Reykjavík. — Sent til áskrifenda út vnn allt land gegn póstkröfu.
Prentað i Steindórsprenti h.f.